Новости за 05.05.2024

3, 4 май көннәрендә Түбән Каманың «Шинник» спорткомплексында легендар көрәшче Данил Галиев истәлегенә багышланган көрәш турниры булып узды. Быел ул 30 нчы мәртәбә оештырылды. Түбән Камага 30 команда җыелды. Казаннан дүрт команда барды (Яңа Савин, Совет районнары һәм «Зилант» клубы ике команда белән килде). 252 көрәшче бил алышты.

Мәдәни күзәтүче, тәнкыйтьче, филология фәннәре кандидаты Миләүшә Хәбетдинова «Кави – Сәрвәр» операсы тирәсендә чыккан шау-шуга анализ ясый.

Башкортстанда яшәүче 3 олы кеше һәм 1 бала Оренбург өлкәсендә юл һәлакәтендә үлгән. Бу турыда Гадәттән тыш хәлләр министрлыгына сылтама белән «Башинформ» хәбәр итте.

«Өч айдан аны мин тәрбияләдем бит», – диде кичә генә оныгын югалткан Гөлкәй апа. Кичә Әлмәт районы басуында 19 яшьлек егетнең гомере өзелде. Бәләкәйдән ятим калган Родионны әбисе үз баласы урынына күреп үстергән, ә иртәгә баланы җир куенына саласы була.

Бүген Башкортстанның Дүртөйле авылында иртәнге якта 3 өй, 5 техника янып бетә, 2 кеше имгәнә. Бу турыда «Башинформ» Гадәттән тыш хәлләр министрлыгы хәбәр итте.

Чаллы башкарма комитеты җитәкчесе Фәрит Сәлахов Бөек Ватан сугышы ветераны Мурзин Таһир Йосыфморза улына кунакка барган, дип хәбәр итә шәһәр матбугат хезмәте. Ул аңа республика Рәисе исеменнән бүләкләр тапшырган, бәйрәмнәр белән котлаган.

Казанның Оренбург трактында куркыныч автоһәлакәт булган. «Хонда» автомобилен идарә иткән кыз икенче полосага күченгәндә арттан килгән «Киа» автомобилен күрми. Бәрелешкәч, «Хонда» автомобиле баганага бәрелә, һавага күтәрелә һәм ике полоса арасына төшә.

Мәчеттә үзеңне ничек тотарга? Кешеләргә сәламне намаз укыгач бирергәме, әллә аннан соңмы? Нәрсә турында сөйләшергә ярамый? Казанның «Болгар» мәчете телеграм-каналында шул хакта аңлаталар.

Кытайдагы бу туй бөтен дөньяны әйләнеп чыкты, төрле илләрнең матбугат чараларында чыкты. Уен эшмени – 86 яшьлек бабай университетта укыган студент чагында яратып йөргән кызына тәки өйләнә алган.

«Һәр ата-ана яраткан баласының гаилә кору мизгелен зур дулкынлану белән көтә! Бүген, «Гаилә елы»нда, улыбыз Рафаэль белән кызыбыз Элиза никахларын рәсмиләштерделәр!» – дип яза Мөслим районы башлыгы Альберт Хуҗин телеграм каналында.

Казанның «Сәйдәш» мәдәният үзәгендә танылган композитор, җырчы, 90нчы елларда эстрадага яңа агым алып килгән Татарстанның халык артисты Зөфәр Хәйретдинов иҗатының 40 еллык юбилей концерты гөрләде. «Хәйретдинов маркалы» җырларны, үлмәс хитларны һәм «мишәрләр концертын» «Интертат» хәбәрчесе тыңлап кайтты.

Рәссам, педагог, Татарстанның атказанган сәнгать эшлеклесе, Татарстанның халык рәссамы Мөдәррис Минһаҗевның гаиләсенә кайгы килгән. Ул энекәше Марсельне соңгы юлга озатуларын хәбәр итте.

3 май көнне Биектау районы Олы Кавал авылында күрше булып яшәүче ике бертуган Илдар һәм Илнар Фәйзрахмановлар хуҗалыгында янгын чыга.

«Сер итеп кенә әйтәбез - традицион август концертларына әзерлек башланган...» дип хәбәр итә Салават Фәтхетдинов аккаунты. «Быел алар Казанда якынча 20 көн булачак диләр...» дип хәбәр ителә.

Балтач районының Советлар Союзы герое Габдулла Гарифуллин исемендәге Яңгул урта белем бирү мәктәбендә батырларча һәлак булган Гизатуллин Әсгать Рәфгать улы һәм Фазылҗанов Раил Рамил улы исемнәрен мәңгеләштерү максатыннан, истәлек такталары куелган, дип хәбәр итә «Балтаси-инфо» паблигы. Яңгул мәдәният йорты чарадан видеоролик та әзерләгән.

Сәламәтлек өчен файдалы ризык пешергәндә нинди май куллану дөрес икәнен табиб-гастроэнтеролог Наталья Морозова сөйләгән. Бу турыда «МИР» телеканалы хәбәр итте.

Башкортстанның Салават шәһәрендә яшәүче 36 яшьлек ир-ат бергә яши торган 39 яшьлек хатынны вәхшиләрчә үтергән. Бу турыда «Башинформ» Тикшерү комитетына сылтама белән хәбәр итте.

Айдар Галимовның кызы Айгизә әнисе Зиләгә туган көнгә бүләк биргән. Ул әнисе турында бик җылы сүзләр яза: «Әни булу ул бик катлаулы эш. Әмма син аны булдырдың… Мин университетны укып бетермичә киткәч, ничек кәефең кырылганын хәтерлисеңме? Мин сине аңлыйм. Мин югары белем ала алмагач, сезнең кәефегезне кыра торган берни дә эшләмим дип уйладым. Мин моны эшли алдым. Һәм мин синең хыялыңны тормышка ашырам», дип язган ул һәм әнисенә казах җырчысы Димаш Кудайбергенның Истанбулдагы концертына билет биргән. Читать дальше...

Традициягә тугры калып, Казанның Яңа Татар бистәсе зиратында мөселман зыялыларын искә алу мәрасиме булды. Искә алу чарасы ел саен 2 май көнне үткәрелеп килә. Чара барышы белән «Интертат» журналисты да танышты.