Гөлназ Асаева һәм Ильмира Нәгыймова: «Бездә шок»
Эстраданың ике гүзәл җырчылары Ильмира Нәгыймова белән Гөлназ Асаева тамашачыларга яңа гына үзләрен дуэт буларак тәкъдим итте. Алар «Сез хаклы» җырын башкарды.
Яңа дуэтка сүз әйтүче булмады, әмма җырның сүзләренә бәйләнеп маташты халык. Шулай да хуплаучылар күбрәк булган икән, җырчылар үзләре дә аптырап калган. Бу хакта алар социаль челтәрдәге сәхифәләрендә хәбәр итә.
«Дуслар, бик зур рәхмәт сезгә! Бик күп реакцияләр килә, яхшы комментарийлар язасыз. Күңелгә җылы», – дип Гөлназ Асаева.
«Чын мәгънәсендә, без шулай җылы кабул итәрсез, дип күз алдына китермәдек. Киресенчә, «ашарсыз» дип уйлаган идек, шундый ният белән дә яздырган идек. Рәхмәт сезгә, җырыбызны кабул иткән өчен», – диде Ильмира Нәгыймова.