Учакта шампиньон гөмбәсе пешерү рецепты
Көннәр җылыта башлау белән, учакта, күмердә төрле ризыклар әзерләү сезонын күпләр ачты инде. Күмер өстендә шампиньон кыздыру рецептын тәкъдим итәбез.
Беренче эш итеп: гөмбәләрне юарга һәм кипшетергә.
Аннары майонезга тоз, борыч, 2 тырнак сарымсакны изеп яки вак угычтан уып, шушы катнашманы гөмбәләр өстенә салырга.
Фото: © Гөлүзә Василова
Гөмбәләрне шушы соуста 1 сәгатькә калдырырга да була. Аннары барбекю сеткасына тезәргә, күмер өстендә 2 ягын да кыздырып алырга.
Гөмбәләр бик тәмле һәм туклыклы була.
Фото: © Гөлүзә Василова