Гүзәл Уразова гаиләсендә куанычлы вакыйга
Гүзәл Уразова һәм Илдар Хәкимовлар гаиләсендә куанычлы вакыйга – аларның уллары Самир 4нче сыйныфны тәмамлаган. Чәчәкләр, бүләкләр күтәреп, иҗади гаилә мәктәпкә, бәйрәмгә юл тоткан.
«Улыбызының чыгарылыш кичәсенә җыелдык бүген. 4нче сыйныфны тәмамлады. Үзебезнең бәйрәм кебек.
Вакыт бигрәк тиз уза. Кичә генә 1нче сыйныфка барган иде. 4 ел үтеп тә киткән.
Бик зур рәхмәт безнең кадерле укытучыларыбызга һәм мәктәп директоры Илдар Фәизовичка. Түземлегегез һәм биргән белемнәрегез өчен зур рәхмәт.
Бәхетле бул, улым. Мин ышанам сиңа, улым», – дип яза Гүзәл Уразова, дулкынландыргыч кичәнең мизгелләре белән бүлешеп.