«Сырькаень эрямопарь» пелькстамо (эрзя)
Чадыковонь 25-це чистэ яволявтызь эрьва иень шкинемань важодевксэнь «Сырькаень эрямопарь» X-це пелькстамонь цётамотнень. Ютась сон очной лувсо. Ошонь 14 школань 27 пелькстыцят иень коряс колмо категориятнесэ идизь эсест ванномань теварсевкстнэнь.
Пелькстамонь жюрис совасть Мордовиянь республикань краеведениянь музеень важодицятне, тонавтомань Департаментэнь информациянь-методикань куншкакуронь этнокультурань отделэнь методистэсь А.П. Пьянзина ды эйкакшонь шкинемань 2-це номер Куншкакуронь поладомань тонавтомань тонавтыцясь Т.Е. Долбилина. Шумбракстнемань вал марто пурнавозтненень пшкадсть музеень прявтось, филологиянь наукань кандидатось Д.В. Фролов. Музеень коллективесь седейвакссто ёвты паронь арсемань валт тевень коряс казнетнень марто очной эскельксэнь пелькстыцятненень ды арси тонавтомань иень парсте прядома. Пелькстамонь призёртнэнень ды изницятненень грамотатне 2 таргонь перть кучовить школань электронной почтас.