ზელენსკი თურქეთში ჩავიდა
უკრაინის პრეზიდენტი ვოლოდიმირ ზელენსკი თურქეთში ჩავიდა. კერძოდ, ის გეგმავს მოლაპარაკებას თავის კოლეგა რეჯეფ თაიფ ერდოღანთან. ზელენსკიმ რამდენიმე საკითხი დაასახელა, რომელსაც თურქეთის პრეზიდენტთან განიხილავს. „„დატვირთულ დღეს თურქეთში ვასრულებთ. მოლაპარაკებები პრეზიდენტ რეჯეფ თაიფ ერდოღანთან. პოზიციების კოორდინაცია მშვიდობის ფორმულაზე, ნატოს სამიტზე, უსაფრთხოების გარანტიებისა და მარცვლეულის ინიციატივის საკითხებზე. ასევე განვიხილავთ უკრაინის აღდგენასა და თავდაცვის სფეროში კონტრაქტებს“, – წერს ზელენსკი.