Fryser støtte til fransk universitet etter Gaza-demonstrasjonar
Styresmaktene i Paris Ile-de-France-regionen fryser støtta til universitetet Sciences Po etter at studentane protesterte mot Gaza-krigen, melder AFP.
– Eg har bestemt meg for å suspendere all regional finansiering av Sciences Po til roa og tryggleiken er gjenoppretta på skulen, seier presidenten for regionen, Valerie Pecresse.
Ho meiner ei gruppe radikale spreier antisemittisk hat som politikarar på venstresida utnyttar.
Universitetet skulle ha fått 1 million euro i år, men det er uvisst om og når denne støtta kjem.