Новости за 08.08.2020

ТIаьххьарчу дийнахь а, буса а бархI дархо велла коронавирусан уьнах Къилбаседа Кавказехь, цомгаш хилла 441 стаг. Эпидеми ца яржийта Iалашонца вовшахтоьхначу  штабо бинчу хаамца, Краснодаран а, Ставрополан а, Дагестанан а мехкашкахь велла шишша дархо, ГIебарта-Балкхаройчохь а, Нохчийчохь а цхьацца пациент кхелхина. Верриг а Къилбаседа Кавказехь эпидеми яьржичхьана велла COVID-19 вирусах 1053 стаг. Къаьсттина дукха бу ун даьлла нах тIаьххьарчу 24 сахьтехь Ставрополан кIоштахь - 137 стаг: Ставрополан... Читать дальше...

Цхьа могIа ГIалгIайчуьрчу хаамийн гIирсаша, еарин буса дIахьочу контртерроран операцехь спортхо-латархо Евлоев Муслим вер бакъ дац аьлла, дIахьедо. Байъинчу гIаттамхошлахь иза вац аьлла ду дина дIахьедар. Спортхо Евлоев Муслим вийна аьлла, баржийна хаам бакъ бац аьлла, дIахьедина иштта, Евлоевс Iамораш дIахьочу "Кушт" клубо а. "Байъинчарлахь вац Евлоев Муслим. Иза дийна а ву, лаьцна а вац, цул совнах, ала луур дара, оцу кIантана дуьхьал гIуллакх даккха гIерта, амма хууш дац, хьанна оьшуш ду иза. Читать дальше...

Кхо шо кхечи нохчийн иллиалархо Бакаев Зеламха Соьлжа-ГIалахь вайна.  Масех денна хьажа-хIотта да-нана долчу веана, Москвахь болх беш, вехаш волу Бакаев, тIепаза вайра 2017-чу шарахь Марсхьокху-беттан 8-чу дийнахь. Нохчийчуьрчу цхьана бакъонашларъярхочо къайлах «Кавказ.Реалии» порталца къамелехь аьллера, Бакаев лаьцна латторна бехке Кадыров Рамзанан администрацера лаккхара даржхо ву аьлла. Амма хууш дацара, муьлхачу бахьанашца къайлаваьккхина иллиалархо. "Дэйли Шторм" хаамийн гIирсана мехкан куьйгалхочо Кадыров Рамзана еллачу интервьюхь... Читать дальше...

Собарца, дуккха а деношкахь къахьегаро аьтто баьккхина наркотикаш марзъелла нохчийн кегийрхой Москвара цIа берзо аьлла, дIахьедина Нохчийчоьнан куьйгалхочун пресс-секретаро Вахидов Iилмана шен инстаграмерчу аккаунтехь пIераскандийнахь. Цо бахарехь, Москва дIадахана бераш шайн дайн-нанойн бIаьргаш хьалхара а девлла, харцхьа а лелаш, наркотикех детталуш хилла. Цаьргара кхин а вониг далале, хулиганаш а, наркоманаш а цIа а балийна, уьш меттахIиттийча гIоле ду боху Вахидовс. "Пхеа минотехь юьхьIаьржа латтар тоьла... Читать дальше...