Новости за 04.01.2022

Пачхьалкхан Думин Кхеташоно юьхьанцара ладегIарш дIадаьхьна "Меттигера урхалла вовшахтохаран юкъарчу принципех, халкъан Iедалан системин цхьааллах" низаман проект йийцарееш. Документ тIеэцахь, бахархойн карахь гIеххьачул тIехьажа а, терго ян а аьтто лаьттинчу ярташкарчу а, кIошташкарчу а Iедалера дIадер ду куьйгалла. Кечъечу реформин авторш бу пачхьалкхан хIоттаман а, низамашкхоллран а комитетан куьйгалхо Крашенинников Павел а, конституцин низамийн комитетан кьуйгалхо Клишас Андрей а – ший а ву "Цхьааллин Оьрсийчоь" партера. Читать дальше...

Оьрсийчоьнан Талламан комитето 17 бехктакхаман гIуллакх схьадиллина Иркутскерчу номер 1 йолчу изоляторехь латтон тутмакхаш хьийзорна а, Iазап хьегийтарна а тIехула, хаамбина Gulagu.net бакъонашларъяран проекто. 2020-чу шеран бIаьста Ангарскерчу ИК-15 колонехь бунт гIаттийначул тIаьхьа а цхьа могIа аьрзнаш кхочура Иркутскан колонера а, СИЗО-ра а. БIе гергга тутмакх ИК-15 колонера Иркутскерчу номер 1 йолчу СИЗО а, Ангарскерчу номер 5 йолчу СИЗО а дIа а вигина, царна тIехь къизаллица гIело латтийна... Читать дальше...

Кадыров Ахьмадан цIарахчу нохчийн спецназан командиран гIоьнчас, оьрсийн эскархойх "оккупанташ" аьлла. Оцу кепара йоза тIехь долу сториз гучуелира капитанан Солтаев Илесан инстаграм агIонехь, 1995-чу шеран Дечкен-беттан 1-чу дийнахь Соьлжа-ГIалина штурм ярх лаьцна инстаграмехь комментарий еш

Оьрсийчуьрчу къилбан регионашлахь Ставрполан кIоштахь а, Нохчийчохь а къаьсттина дукха хуьлу машенаш йигар. Машенийн онлайн-таллам бечу "Авотека" сервисо довзийтина оцу кепара зераш. 2021-чу шеран жамIашца а догIуш, къилба Оьрсийчоьнан массо а субъекташлахь машенаш лечкъор наггахь бен цахиларца билгалъяьлла Къилбаседа ХIирийчоь, хаамбина ТАСС агенталло бакъоларъяран органийн хаамашна тIетевжина. Къаьсттина дахначу шарахь кеста-кеста идийна Корейн Hyundai Solaris а, Kia Rio а машенаш. ДIоггара... Читать дальше...

Нохчийчуьрчу Iедалхошна оппозицехь лаьттачу IАДАТ боламо зорбане яьккхина махкахь лечкъийначу нахах хIора беттан шаьш вовщатуху статистика. Жигархоша чIагIдарехь, байначу баттахь 74 стаг лачкъийна. Бара царлахь Швецехь вехачу блогеран Абдурахманов Тумсон а, цуьнан хIусамненан а 11 гергара стаг, бакъоларъяран "Вайфонд" организацин куьйгалхочун Садулаев Мансуран кхоъ, да а, вежарий ца лерича, Туркойчохь вехачу блогеран Халитов Хьасанан виъ цIийнах стаг а, "Iазапашна дуьхьалояран Комитетан" юристан Янгулбаев Абубакаран гергара 37 стаг а. Читать дальше...

Дагестанерчу Табасаран кIоштан кхело бехк тIехь битина меттигерчу вахархочунна Маллалиев Русланна экстремистийн символика социалан машанашкахь яржорна. "Исламан пачхьалкх" шех олучу дуьненаюкъарчу террорхойн организацин Iаьржа байракх зорбане яьккхинера цо инстаграмехь, яздо Кавказ.Реалиино. Кхелехь бехкевечо кхетийра, байракх тIехь долчу Iаьрбойн йозанан чулацамах а, флаган террорхошца уьйр хиларх а хууш вацара ша, дош делла тIейогIучу заманчохь оцу тайпа низам ца дохон.  "Нацистийн йа экстремистийн атрибутикана... Читать дальше...

1994-чу шеран ГIуран-беттан 31-чу буса Соьлжа-ГIалахь хиллачу штурмах лаьцна ша динчу дIахьедарна йинчу критикана дуьхьал жоп делла Кадыров Ахьмадан полкан эпсаро, полицин капитана Солтаев Ильяса. "Интернет-провокаторша" доцург кхоьллина шена, шен дешнаш харцахьа а даьхна аьлла, дIахьедина цо. "Инзаре Ельцинан политико а, зуламечу Ичкерин куьйгаллин политико а цIий Iанийра. Мискачу нахана зенаш хилира оцу тIамехь, нохчийн маьрша бахархой боцурш, оьрсашна а цхьана. Суна террорхой бу тIеман зуламхой, ас постехь бийцинарш цхьаъ бара. Читать дальше...