Новости за 14.02.2022

47 шо долчу Соьлжа-ГIаларчу вахархочунна дуьхьал берашна еттарна тIехула бехктакхаман гIуллакх долийна, 2016-2021 шерашкахь шен кIантана а, йоьIанна а етташ хилла цо ненаца зIе латторна. Iазапхочунна уггара кIезга хан тоха мега. Талламо билгал ма-даккхара, зудчуьнца дIасакхаьстиначул тIаьхьа бехкевечо ехачу хена чохь етташ хилла кхианза долчу берашна, ненаца къамеле дийларна. Шайна тIехь таIзарш дан долалуш йоьIан 16 шо хилла, ткъа кIентан – 10, амма йоьIа Iазап хьегна 18 шарера яьлча а, хаам бо... Читать дальше...

ГIалгIайн юкъараллин "Мекх-Кхел" боламан цхьахволчу куьйгалхочо Султыгов Сараждис хаам бина, шена тIелатарна бехке вина лаьцна хилла Ибрагимов Ризван а, Дамаев Артур талламо дIахецна хиларх. Кавказ.Реалиица шен хиллачу къамелехь и сацам тамашен бу аьлла Султыгов Сараждина. "ХIинца ца хаьа стенна тIе тевжаш бина и сацам. Оршот дийнахь со Талламан комитете вера ву оцу хьолах дерг хатта, тIаккха хуур ду кхин дIа муьлха гIулчаш яха еза а. Талламан сацам тоъал бух болуш ца хилахь, цунна латкъам бан хьожур ву со", - дийцина Султыговс. Читать дальше...

Бегашен хамааш, хи ца хиларна аьрзнаш дар, дарбан хIусамашкахь ахчанаш дахарх далхор, лахарчу тIегIанара хьаькамийн балхана критика яр ца дийцича а – оцу доллучунна а тIехула махкара араваккха тарло. И хуьлуш ду, ламасташна тIетийжачу регионан Iедалхойн пурбанца, цара гIо а деш. Оцу кепара гIиллакхаш лелла бIе шо хьалха, хIетахьлерачу заманца мегаш хила а тарлора уьш, амма тахана Нохчийчохь хуьлуш дерг, цхьана а кепара ламастийн бакъонца догIуш дац. ХIун Iадаташ дуьйцур ду, республика цуьнан дакъа лоручу Оьрсийчохь, лелаш низамаш хилча? Читать дальше...

Оьрсийчоьнан Пачхьалкхан думан Нохчийчуьра депутата Делимханов Адама Москварчу кIоштан депутатийн кхеташонан куьйгалхочуьнца Закускин Александрца телефонехула зIене а ваьлла, цуьнга "цIармат хIума" аьлла. Оцу сийсазваран бахьана дара, Москварчу Маршонан майданерчу маьждиг йистехь йоьхьаш духкучу 68 шо долчу нохчийн зудчунна Юсупхаджиева Селимана Закускин тIелатар. Юсупхаджиевас бахарехь, Закускина цуьнан яьшкана тIе мийра а бетташ, "Нохчийчу дIахьажор ю" бохуш, кхерамаш тийсина, цул тIаьхьа бурчан баллонца газ тоьхна цуьнан бетта тIе ... Читать дальше...

Чиллан-беттан 11-хь ТIехьа-Мартанан кхелехь прокурора баккъала а чохь яккха хенаш тохар дехна Нижний Новгородера дIавигначу шина вешина – 20 шо долчу Магамадов Салахьна а, 18 шо долчу Исаев ИсмаьIилна а. Уьш бехкебо вийначу, герзашца леллачу тобанхойн декъашхочунна гIо дарна – дийцарехь, цара цуьнга кхачанан сурсаташ чохь долу тIоьрмаг кховдийна. Кавказ.Реалиига оцу вежарийн гIуллакхна тидам латточу "СК SOS" тобанехь ма-дийцара, прокуратурано дехна Магамадов Салахьна 8,5 шо тоха – хьалхара ши шо колонехь а... Читать дальше...

Оьрсийн оппозицин политика Яшин Ильяс ютубехь "Кадыровн Iазапхо. Даудов Мохьмадан истори" цIе йолу 20 минотехь фильм арахецна. Нохчийчоьнан парламентан спикерана, "Единая Россия" фракцин республикерчу декъан секретарна лерина ю иза. "Делимханов [Оьрсийчоьнан Пачхьалкхан думан Нохчийчуьра депутат] санна, вуно кхераме а, ницкъ болуш а ву иза. Кадыровн карара цуьнга дашон тапча кхаьчна, ткъа Путинера – Оьрсийчоьнан Турпалхочун седа… "Лорд" [иштта вевзаш ву иза Нохчийчохь – ред.] Кадыровн чIогIа уллора ву... Читать дальше...