Нохчийчохь тIом боьдучу заманчохь федералан эскарийн карах кхо шо кхачьна бер деллачу нанна 20 эзар сом делла. Иштта сацам тIеэцна Краснодар-мехкан кхело. Белореченскерчу яхархочун кIант вийнера 1999-чу шарахь хиллачу тохаршкахь – цуьнан нанас Загудаева Натальяс бахарехь, царна уллохь хIоъ иккхинера.
Севастополерчу спортан школана Кадыров Ахьмадан цIе тилларх информаци зорбане яьккхина нохчийн хаамийн гIирсаша. Барт хиллера иштта, схьадийцарехь, Севастополерчу делегацин Куьрчала кIоштан администрацица хиллачу цхьанакхетарехь. "Вайн хьалхарчу президентан Кадыров Ахьмадан цIарах спортан школан цIе хийца лаам хиларх хаийтира хьешаша. Кху заманан йоллу пачхьалкхан исторехь висинчу вайн къоман хьалханче боккха ларам хилар ду иза", - далийна Куьрчала кIоштан администрацин куьйгалхочун Ирасханов Асламбекан дешнаш «Чечня Сегодня» агенталло. Читать дальше...
Нохчийчуьра этапе дIахьажийна ницкъахоша лачкъийна хилла ши ваша Исаев Исмаил а, Магамадов Салехь а. Исаев Краснодарерчу номер 1 йолчу СИЗО валийна, Магамадов – Владимирерчу «Владимирский централ» олучу номер 2 йолчу набахте. Кавказ.Реалиига "СК SOS" кризисан тобано хаамбарца, Исаев кхин дIа вуьгур волуш ву. Динчу таIзарца а догIуш, юкъарчу хьелашкахь йолчу колони кхачон везаш ву иза. Маца, стенга вуьгур ву – цкъачунна хууш дац. Шога раж хиларца евзачу «Владимирский централ» набахтехь шо доккхур ду Магамадов Салехьа. Читать дальше...
