Новости за 02.10.2023

Меттигера вахархо Мадаев Адам экстремизмана бехке лаьрра Гуьмса гIалин кхело мехкан Iедалхошна оппозицихь йолчу 1АДАТ телеграм-каналан чатехь йоза дарна. Итт эзар сом гIуда хьарчийна цунах. Кхелан сацамца а догIуш, чатехь "Adam" ("shishan63" йу цуьнан ник) аьлла, йазвеллачу Нохчийчуьра вахархочо комментарий йитинера. Полицина экстремистийн хеттера иза, "къаьмнашна а, динашна а йукъахь гамо" йаржош. Комментарийн текст кхело ца гойту. Кхелехь Мадаев Адам къера хилира, цр дIахьедира, ша дохковаларх а. Читать дальше...

Зударийн бакъонаш ларйеш, йукъараллехь церан дакъалацарна тIехь терго латтон кхеташо кхоьллина Нохчийчохь. Оцу кхеташонан декъашхошлахь волчу бархIаннах цхьаъ зуда йу: Кадыров Рамзанан йоI Iайшат. Республикехь культурин министран даржехь йу иза. Кхеташонан урхалле хIоттийна: вице-премьер Алханов Адам – республикехь чоьхьарчу гIуллакхийн министр хиллачу Алханов Русланан кIант. Кадыровн шолгIа йоI йу цуьнгахь. Иштта регионехь зударийн интересаш дIакхоьхьур йу къинхьегаман министро Баширов Iусмана а... Читать дальше...

Шен лаамехь цIера дIайахна ша, лоьхучуьра совца аьлла, видео Iорайаьккхина 21 шо долчу нохчийн йоIа Мусаева Эльзас. Цунах лаьцна Кавказ.Реалиин редакцига хаийтина зударшна гIо латточу "Марем" боламо. Хьалхо цIера йеддачу Мусаевас гIо дехнера бакъоларйархошка, шен могушаллина а, дахарна а кхерам латтарна. Товбеца-баттахь иза лачкъийра Башкирера Стерлитамакехь, бертаза Нохчийчу дIайигира иза. Бакъоларйархоша дIахьедо, цкъачунна цунах лаьцна ма-дарра дийца йиш йац шайн, амма кийча ду полицина тоьшаллаш дала, цунна билггал кхерам латтарх аьлла. Читать дальше...