სახალხო დამცველი ე.წ. მოსმენების კანონის საკონსტიტუციო სასამართლოში გასაჩივრებას გეგმავს
სახალხო დამცველი ე.წ. მოსმენების კანონის საკონსტიტუციო სასამართლოში გასაჩივრებას გეგმავს. საქართველოს სახალხო დამცველმა უჩა ნანუაშვილმა განაცხადა, შემოთავაზებული მოდელი სერიოზულ ხარვეზებს შეიცავს, მათ შორის ინსტიტუციური დამოუკიდებლობის თვალსაზრისით. ნანუაშვილის განცხადებით უახლოეს დღეებში მისი უწყება სასამართლოში საკონსტიტუციო სარჩელს შეიტანს, რომელიც უკვე მზადდება.
„ქვეყანაში არსებობს მძიმე მემკვიდრეობა, როდესაც სწორედ ეს ორგანოები შინაგან საქმეთა და უსაფრთხოების ორგანოები ძირითადად ჩართული უკანონო ფარულ მიყურადებაში, აქედან გამომდინარე მოსახლეობაში კვლავ არსებობს განცდა, რომ ეს ორგანოები არიან სწორედ ის სახელმწიფო ორგანოები, რომლებიც იყვნენ მოაზრებული ამ უკანონობის უკან,“-განაცხადა უჩა ნანუაშვილმა.