Блинкен: САД немаат подобар пријател од Германија
Американскиот министер за надворешни работи Ентони Блинкен вчера во Берлин изјави дека Соединетите држави немаат „подобар пријател“ од Германија. „Сметам дека е фер да се каже дека САД немаат подобар партнер и подобар пријател во светот од Германија“, рече Блинкен на прес-конференција со германската канцеларка Ангела Меркел. Новинската агенција Франс Прес проценува дека ваквата изјава отстапува од традиционалната позиција на Соединетите држави, кои Британија обично ја сметаат за најблизок партнер.
Џонсон - Односите меѓу Британија и САД се неуништиви
„Сè започнува со заеднички вредности и интереси, како и заедничко верување дека сите предизвици со кои се соочуваме влијаат врз животот на сите луѓе“, рече Блинкен, додавајќи дека сите се согласуваат дека ниту една земја не може да надмине сè самостојно. Блинкен е на европска турнеја за време на која, по Германија, ќе ги посети Франција и Италија.