Новости за 30.01.2024

Бу елда Россия Банкы төп ставкасы икенче яртыеллыкта төшәргә мөмкин — әмма илдә инфляция әкренәюнең тотрыклы тренды билгеләнгән очракта гына. Бу хакта Россия Үзәк банкы рәисе Эльвира Нәбиуллина РИА Новостига биргән интервьюда белдерде.

Татарстан Рәисе Рөстәм Миңнеханов үзенең Telegram-каналында «Мәдәният» илкүләм проекты белән яңа биналы булган Буа дәүләт драма театры казанышлары турында сөйләгән.

2023 елда Татарстан Республикасында Россия Кораллы көчләрендә хезмәт итәргә 9 меңнән артык кеше контракт төзегән. Бу хакта «Татар-информ»да узган матбугат конференциясендә Казанның контракт буенча хәрби хезмәткә сайлап алу пункты башлыгы Евгений Токмаков хәбәр итте.

Казан-Ульяновск трассасында автобус һәм йөк машинасы бәрелешү аркасында 10 кеше зыян күргән. «Татар-информ»га бу хакта Татарстан Сәламәтлек саклау министрлыгының матбугат хезмәтеннән хәбәр иттеләр.

Казан һәм Татарстан иҗат коллективлары Татарстан Республикасы Милли музеенда XXII Татар хор музыкасы фестивалендә чыгыш ясады.

«Батыр» контракт буенча хәрби хезмәткә рәсмиләштерү үзәге эшләгән вакытта меңнән артык кеше Россиянең Саклану министрлыгы белән килешү төзегән, 1045е инде гаскәрләргә киткән. Бу хакта «Батыр» үзәге җитәкчесе Владислав Кузнецов уртаклашты.

Хокук саклау органнарында террорчылык эшчәнлегенә ярдәм итү маддәсе буенча кузгатылган җинаять эше кысаларында мөселман блогеры Рәсүл Тәүдирәковка сораулар туган.

21 гыйнвар көнне Түбән Новгород Җәмигъ мәчетендә якшәмбе ислам мәктәпләре тыңлаучылары арасында Азан әйтү буенча II өлкә конкурсы булып үтте. Бу хакта Бөтендөнья татар конгрессы матбугат хезмәте хәбәр итә.

Махсус операциядә катнашучы 1232 нче полк хәрбиләре алгы сафларга кирәкле техника белән йөк җыеп алып килгән Татарстандагы якташларына рәхмәт йөзеннән видео төшергән.

Россия хөкүмәте махсус хәрби операциядә катнашучыларга реабилитация чаралары бирү тәртибен гадиләштерде. Махсус операциядә катнашучылар реабилитацияләүнең техник чараларын тиешле гариза бирмичә дә ала алачак. Әлеге карар 27 гыйнварда имзаланган һәм бүген http://government.ru/docs/50738/ сайтта чыккан.

Хезмәт һәм социаль яклау министрлыгы һәм Сәламәтлек саклау министрлыгы инвалидлык билгеләү өчен тикшерүләр исемлеген кыскартучы боерык проекты әзерләгән. Бу хакта документка сылтама белән РБК хәбәр итә, документның чынлыгын аны эшләүчеләргә якын чыганак раслаган.

Үзәк Россиягә җепшек көннәр килә һәм алар җомгага кадәр дәвам итәчәк. 1 февральдә Мәскәүдә температура +3 градуска кадәр күтәреләчәк — бу мартның икенче яртысы нормасына туры килә. Россия Гидрометеорология үзәге фәнни җитәкчесе Роман Вильфанд РИА Новостига шулай дип белдергән.

Төрле хроник патологияләр, туберкулез, ВИЧ һәм сифилисның булуы РФ Оборона министрлыгы белән контракт төзегәндә комачаулый, дип белдерде контракт буенча хәрби хезмәткә рәсмиләштерү үзәге җитәкчесе Владислав Кузнецов.

Теләче районы Олы Мәтәскә авылы мәдәният йортында журналист Рәйхана Шәйхиева истәлегенә «Йолдыздай атылган гомер» дип исемләнгән шигырьләр җыентыгы тәкъдим ителгән. Фаҗигале төстә вафат булган журналистны искә алу кичәсендә Казан дәүләт университетында бергә укыган төркемдәш кызлары, хезмәттәшләре, остазлары катнашкан.

Татарстанның Әлмәт районы башлыгы Тимур Нагуманов күптән түгел генә балалары туган хәрбиләрнең гаиләләрендә булды. Махсус операциядә катнашучы өч хәрбинең гаиләләрендә бәби туган. Үзенең әлеге гаиләләргә баруы турында район башлыгы туры эфир вакытында сөйли.

Пенза өлкәсенең татар милли-мәдәни автономиясе каршындагы «Ак калфак» татар хатын-кызлары төбәк оешмасы 28 гыйнварда чигү буенча дәрес үткәрде. Анда татар чигүе традицион сәнгате белән танышырга әзер булган төрле яшьтәге балалар җыелды. Бу хакта Бөтендөнья татар конгрессы матбугат хезмәте хәбәр итә.

Раҗәб аеның 27нче кичендә (6 февральдән 7 февральгә каршы кичтә) бөтен ислам дөньясы мөселман календарендагы мөһим датаны – Исра вә Мигъраҗ кичәсен билгеләп үтәчәк.

1994 елда гыйнвар аеның соңгы көннәрендә Мәскәү Җәмигъ мәчете эгидасы астында илнең Үзәк-Европа өлеше җәмгыятьләренең мөселманнарның Диния нәзарәтенә берләшүе турында оештыру җыелышы узды.

Казанда берничә мәдәни мирас объектын, шул исәптән Сөембикә манарасын һәм Алафузов театрын реставрацияләү эшләре проектлары әзерләнә. Техник документта күрсәтелгән тагын ике бина Чистайда урнашкан. Мәгълүмат дәүләт сатып алулары порталында урнаштырылган.

«Яндекс.карта» сервисы мәгълүматлары буенча 08.30 да Казан 10 баллы «бөке»дә тора.

Узган ял көннәрендә Омскидан бер төркем үзешчән артистлар өлкәнең татарлар тупланып яшәүче төньяк районнарында концертлар белән чыгышлар ясап кайттылар. Оештыручылары – «Ибир» җирле татар милли-мәдәни мохтарияте һәм «Ышаныч» татар мәдәният үзәге булды, дип яза Бөтендөнья татар конгрессы матбугат хезмәте.

РФ Үзәк сайлау комиссиясе рәисе Элла Памфилова сайлау кампаниясе кысаларында сайлаучыларны мәгълүматлаштыруның икенче этабы башлануы турында игълан итте.

Төньяк циклонның атмосфера фронтлары йогынтысы аркасында Татарстанда кар явуы көтелә, көндез буран булачак. Буран вакытында күз күреме 1000 метр һәм аннан да күбрәккә начарланачак. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Аксубай район башлыгы Камил Гыйльманов Хәнифовларны «Ата-ана даны» ордены медален алу белән котлады. Ул югары бүләккә лаек булган күп балалы Чулпан һәм Иршат Хәнифовлар гаиләсенә җылы сүзләр әйтер өчен шәхсән килде. Бу хакта «Аксубай» сайтында хәбәр ителә.

Түбән Кама районының Каракүл күлендә балыкларны коткару өчен 200 бәке барлыкка килде. Бу хакта Түбән Кама муниципальрайоны рәсми сайтында хәбәр ителә.