Новости за 07.03.2024

Казанда Меховщиклар урамында 1100 урынлык мәктәп төзиячәкләр. Бу хакта башкарма комитетның документлар һәм хокукый актларның яңа чыгарылышындагы карарда белдерелә. Ул мэрия сайтында чыккан.

Гаилә елында күп балалы гаиләләр статусын федераль дәрәҗәдә теркәделәр, шул ук вакытта гамәлдә булу вакыты чикләнмәгән. Татарстанда Бала хокуклары буенча вәкаләтле вәкил Ирина Волынец «Татар-информ» мәгълүмат агентлыгына Татарстаннан күп балалы ата-аналар нинди федераль бүләкләр һәм түләүләр алачагы турында сөйләде.

Апрельдән социаль пенсияләр күләме 7,5 процентка артачак. Россия Хөкүмәте индексация күләмен узган елда пенсионерларның яшәү минимумы үсешеннән чыгып билгеләде. Бу хакта Министрлар Кабинеты матбугат хезмәте хәбәр итте.

Социаль челтәрләрдә Казанның Идел буе районында кара төтен фотосы чыкты. Анда янгын Техническая урамында булуы турында хәбәр ителә.

Кичә М7юлында Идел аша күпер каршында торган Юл патруль хзезмәте постында ЮХИДИ хезмәткәрләре автомобильне туктаткан.

Халыкара атом энергиясе агентлыгы җитәкчесе Рафаэль Гросси һәм Россия Президенты Владимир Путин Сочида очрашу уздырды. Алар Запорожье АЭС белән вазгыять һәм башка «чакырулар» турында фикер алышты. Бу хакта оешманың җитәкчесе X социаль челтәрендә (Россиядә тыелган Twitter социаль челтәре) хәбәр итте.

Алдагы ялларда һәм бәйрәм көннәрендә Казанда салкынайта. 8 һәм 9 мартта көндез урыны белән бераз кар явачак. Казан федераль университеты профессоры, география фәннәре докторы Юрий Переведенцев «Татар-информ»га һава торышы фаразы турында сөйләде.

Яз көне авыл хуҗалыгы өлкәсе өчен салкыннар кире кайту куркыныч булырга мөмкин. Бу хакта «Чистополье» холдинг компанияе» АҖ генераль директоры Наил Залаков агробизнесны үстерүгә багышланган онлайн-эфирда хәбәр итте, дип яза «Татар-информ» хәбәрчесе Надежда Гордеева.

Мәскәүдә Кәрим Тинчурин исемендәге Татар дәүләт драма һәм комедия театрының гастрольләре башланды. Бу хакта Татарстанның Россиядәге Тулы вәкаләтле вәкиллеге матбугат хезмәте хәбәр итә.

20 апрельдә Казанда гомумшәһәр өмәсе, ә 1 апрельдән 31 майга кадәр санитар-экологик икеайлык узарга мөмкин. Башкарма комитетның карар проекты коррупциягә каршы экспертиза уза.

Төмәннең Өге (Уки) авыл җирлегендә Уват районының 100 еллыгына багышланган тантаналы чара узды. Бу хакта Тубыл себер-татар мәдәнияте үзәгенең ВКонтакте социаль челтәрендәге сәхифәсендә хәбәр ителә.

Пәнҗешәмбе, 7 мартта, Татарстанда салкынайтыр дип көтелә. Төнлә һава температурасы -19..-24 градуска кадәр төшәргә мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Йога БРИКС уеннары программасына керәчәк, Ярышлар Казанда 2024 елның июнендә уза. Бу хакта РФ Спорт министрлыгы башлыгы Олег Матыцин хәбәр итте, дип яза Казан мэриясе.

Төмәннең «Яңарыш» газетасында Гөлнур Вәлиеваның «Яңа коллективлар килеп чыккан» дигән язмасы чыкты.

Самара өлкәсенең Иске Ярмәк авылы мәдрәсәсендә балалар өчен бәйге булды. Бу турыда «Самара татарлары» хәбәр итте.

Сишәмбе, 12 мартта, Татарстан Республикасы прокуроры Альберт Суяргулов Питрәч районы Богородск авылында гражданнарны кабул итәчәк. Бу хакта «Алга» сайтында хәбәр ителә.

Ульяновск өлкәсенең «Өмет» газетасында Самара шәһәреннән Шамил Галимовның «Авылларыбыз тарихын өйрәнде» дигән язмасы чыкты.

Чаллыдан махсус хәрби операция зонасына һәм Лисичанск шәһәренә чираттагы гуманитар йөк озатылды. Шәһәр мэры Наил Мәһдиев гадәттәгечә хәрбиләргә ярдәм илтүче машина йөртүчеләрнең һәрберсе белән исәнләшеп хәлләрен сорашты. Бу хакта «Шәһри Чаллы» хәбәр итә.

Зәйнең ЮХИДИ бүлеге хезмәткәрләре, «Юл иминлеге фонды» район филиалы һәм 4нче мәктәп укучылары, «Кояшкай» балалар бакчасында тәрбияләнүче яшь юл инспекторлары катнашында шәһәр урамнарына автоледиларны 8 март - Халыкара хатын-кызлар көне белән тәбрикләргә чыкты. Бер төркем гүзәл затлар лалә чәчәкләре алды. Бу хакта «Зәй яңалыклары» сайтында хәбәр ителә.

Кукмарада мәктәп укучылары арасында «Бизнеска адымнар» муниципаль конкурсы узды. Аның кысаларында район Мәдәният йортының фойесында «Минем беренче бизнес» дигән номинациядә күргәзмә оештырылды, шулай ук укучылар «Иң яхшы бизнес проект» һәм «Иң яхшы бизнес идея» номинацияләрендә үз эшләрен тәкъдим итте. Бу хакта «Хезмәт даны» хәбәр итә.

Түбән Камада «Горзеленхоз» МУП язгы чәчәкләр утырту өчен үсентеләр үстерүгә кереште. Бу хакта хакимиятнең матбугат хезмәте хәбәр итә. Бу хакта http://nkamsk-rt.ru яза.