Новости за 17.03.2024

Чаллыда Россия Президентын сайлауларда тавыш бирү участокларында эш дәвам итә. Бүген аларның эше белән Дәүләт Думасы депутаты Әлфия Когонина, республика Дәүләт Советы депутаты Илдар Шамилов һәм Шәһәр Советы депутаты Марат Мөхәммәдиев танышты.

Татарстанлылар Россия Президентын сайлауда зур активлык күрсәтә! Тавыш бирүдә республика яшьләре һәм студентларның актив катнашуы бигрәк тә куандыра. Дәүләт Думасы депутаты Айрат Фәррахов шулай дип белдерде.

Татарстан Республикасы Иҗтимагый палатасы рәисе Зилә Вәлиева ТНВ телеканалы үткәрә торган «Гаилә белән сайлыйбыз!» онлайн-марафонында катнашты. Ул сайлауның беренче көнендә үк тормыш иптәше Римзил Вәлиев һәм оныгы белән тавыш бирергә барган.

«Кызык-мызык» буларак билгеле блогер Илназ Габидуллин Кукмараның Вахит авылында 1732 нче сайлау участогында күзәтүче буларак катнаша. Бу хакта «Хезмәт даны» газетасы хәбәр итә.

Татарстанда кеше хокуклары буенча вәкаләтле вәкил Сәрия Сабурская Казанда сайлауның җәмәгать күзәтү үзәгендә булган.

Татарстан транспорт һәм юл хуҗалыгы министры Фәрит Хәнифов Россия Президентын сайлауда катнашты. Бу хакта ведомствоның телеграм-каналында хәбәр ителә.

Рамазан мәчете имам-хатыйбы Солтан хәзрәт Морадимов хатыны Диләрә белән ТНВ телеканалы үткәрә торган «Гаилә белән сайлыйбыз!» онлайн-марафонында катнашты. Алар танышулары һәм балалар тәрбияләүләре турында сөйләделәр.

Татарстаннан барлыгы 100дән артык хаҗи – Рамазан ае көннәрендә Мәккәдә кече хаҗ – гомрә кылучылар Россия Президентын сайлауда тавыш биргән.

Россия Президентын сайлауларда «Гаилә белән сайлыйбыз!» бәйгесенең икенче көнендә Лаештан Хөснетдиновлар гаиләсе җиңде. Җиңүчене 16 март көнне «Вконтакте» социаль челтәрендә «Татарстан Алга» төркемендә туры эфирда билгеләделәр. Яшь гаиләгә «Lada Vesta» автомобилен ТНВ каналында узучы «Гаилә белән сайлыйбыз!» онлайн-телемарафонында тапшырдылар.

Россия Вице-премьеры Марат Хөснуллин Президент сайлауларында тавыш бирде. Ул онлайн тавыш бирүнең уңайлылыгын билгеләп үтте һәм барлык гражданнарны читтә калмаска чакырды. Мөрәҗәгате аның телеграм-каналында чыкты.

Алабуга дәүләт тарихи-архитектура һәм сәнгать музей-тыюлыгы генераль директоры Гөлзада Руденко Россия Президентын сайлауның соңгы көнендә үзенең гражданлык бурычын үтәде. Сайлау участогына ул иртән иртүк ире белән килде.

Татарстанда кеше хокуклары буенча вәкаләтле вәкил Сәрия Сабурская Россия Президентын сайлауда тавыш биргән. Ул моны дулкынландыргыч һәм күңелле вакыйга дип билгеләп узган.

Россия Федерациясе Президентын сайлауга килүнең ил буенча гомум күрсәткече 65,85 процент булган. Бүген 13 сәгать 22 минутка РФ Үзәк сайлау комиссиясе шундый мәгълүматлар китерә.

Татарстанның хезмәт, халыкны эш белән тәэмин итү һәм социаль яклау министры Эльмира Зарипова ТНВның «Бөтен гаилә белән сайлыйбыз!» телемарафонында үз гаиләсе, шулай ук республикада гамәлдә булган ярдәм чаралары турында сөйләде.

Күп балалы Мурсаловлар гаиләсе РФ Президентын сайлауда катнашты. 100 нче мәктәптә урнашкан сайлау участогына алар 8 кешедән торган гаиләләре белән килгән.

Шиһабетдин Мәрҗани исемендәге тарих институты директоры Радик Салихов ТНВ телеканалы үткәрә торган «Гаилә белән сайлыйбыз!» онлайн-марафонына тормыш иптәше Лилия һәм кызлары Әминә белән килде.

Теләчедән Алсу һәм Мөхәммәт Фәләхиевлар биш бала тәрбияләп үстерә. Алар ТНВ телеканалы үткәрә торган «Гаилә белән сайлыйбыз!» онлайн-марафонында катнашып, балаларга ничек тәрбия бирүләре турында сөйләде.

Лисичанскиа җылылык белән тәэминат челтәрләрен торгызу эше дәвам итә. Бу эштә катнашкан подряд оешмалары арасында – Татарстанның «Евро-Тех» предприятиесе, шулай ук Яшел Үзәннән җибәрелгән авария бригадасы бар.

Әлмәттә Россия Президентын сайлауда тавыш бирү барышын чит илләрдән килгән күзәтүчеләр бәяли. Гватемала, Индонезия, Доминикана, Бангладеш, Испания, Танзаниядән килгән вәкилләрне коймак белән сыйлаганнар һәм чын бәярәм ясаганнар, дип хәбәр итә «Әлмәт ТВ».

Россиядә тавыш бирү барышын 129 илдән 1115 күзәтүче һәм белгеч күзәтә. Мондый мәгълүматлар белән Үзәк сайлау комиссиясе башлыгы Элла Памфилова уртаклашты, дип хәбәр итә ТАСС.

Бүген Татарстан хастаханәләрендә вакытлыча сайлау участоклары ачылды. «Татар-информ» Республика клиник хастаханәсенә барып, авыруына карамастан, гражданлык бурычын үтәргә килүчеләр белән аралашты.

Җәмәгать күзәтү үзәге Татарстанның сайлау участокларында хокук бозулар теркәмәгән. Аларның барысына да тавыш бирүчеләр күпләп килә, дип сөйләде «Казанские ведомости» газетасына ТР Иҗтимагый палатасы рәисе урынбасары, Виталий Тимирясов исемендәге КИМ ректоры Асия Тимирясова.

Менделеевск районының Бәзәкә авылында яшәүче Бөек Ватан сугышы ветераны Зәйнак Әгълиев хатыны белән 1918нче сайлау участогында тавыш бирде.

Болгар ислам академиясе һәм Россия ислам институты ректоры Рәфыйк Мөхәммәтшин ТНВ телеканалы үткәрә торган «Гаилә белән сайлыйбыз!» онлайн-марафонында катнашты. Ул сайлаулар, Рамазан ае һәм гаиләсе турында сөйләде.

Икенче тапкыр әти-әни булырга җыенган Газизовлар гаиләсе «Татарстан – Яңа гасыр» телеканалындагы «Гаилә белән сайлыйбыз!» телевизион марафоны эфирында булачак сабыйларының җенесен белгән. Ир белән хатынга студиядә зур булмаган гендер-пати оештырганнар – алар төсле конфеттилар салынган шар шартлаткан.