Татарстанда тугыз градуска кадәр җылытачак
![Татарстанда тугыз градуска кадәр җылытачак](https://tatar-inform.tatar/attachments/6439ed1c54c3cb4798caa6f7d723d2a1737aac4f/store/crop_and_fill/0/52/1000/562/780/440/9f0cf1db7d561df9f05cd58381891471fba363819c146f86f948c55b7f06/0205.jpg)
(Казан, 17 март, «Татар-информ»). Иртәгә, 18 мартта, Татарстанда антициклон йогынтысына бәйле коры һәм җылы һава торышы сакланачак. Бу хакта ТР Гидрометеорология үзәге хәбәр итә.
Республика территориясендә явым-төшем көтелми. Көньяк-көнбатыштан талгын җил булачак. «Төнлә һәм иртән юлларда урыны белән бозлавык», — дип искәртә синоптиклар.
Төнге сәгатьләрдә һава температурасы нульдән алып -5 градуска кадәр булачак. Көндез һава 4-9 градуска кадәр җылыначак.
Элегрәк «Татар-информ» мәгълүмат агентлыгы хәбәр иткәнчә, яңгырлар төбәккә атнаның икенче яртысында киләчәк.