Новости за 17.03.2020

(Әлки, 17 март, «Татар-информ», «Әлки хәбәрләре», Азат Низамиев). Әлки районы Иске Камка авылының Тегермән урамы язгы ташу сулары белән аерылып калган. Бу турыда район басмасы хәбәр итә.

(Казан, 17 март, «Татар-информ»). Түбән Камада санитар-эпидемиягә каршы комиссиянең чираттан тыш утырышы узды. Анда коронавирус турында сөйләштеләр. Түбән Камада хәзер 14 кеше медицина күзәтүе астында тора. Бу турыда Түбән Кама муниципаль районы рәсми сайтында хәбәр ителә.

(Казан, 17 март, «Татар-информ»). Иртәгә, 18 мартта, Татарстанда антициклон йогынтысына бәйле коры һәм җылы һава торышы сакланачак. Бу хакта ТР Гидрометеорология үзәге хәбәр итә.

(Казан, 17 март, «Татар-информ»). Әлки районының бер авылында машина су баскан чокырга төшеп киткән. Шаһитлар аны видеога төшергән. Әлеге кадрлар социаль челтәрләрдә басылып чыкты.

(Казан, 17 март, «Татар-информ», Рузилә Мөхәммәтова). Продюсер Рифат Фәттахов Салават Фәтхетдинов белән Элвин Грей арасындагы низагның сәбәпләрен аңлатты. Бу хактагы фикерләрен ул татар җыры сәнгатенә багышланган халыкара фәнни-гамәли конференциядәге чыгышында әйтте.

(Казан, 17 март, «Татар-информ», Екатерина Ларионова). Бакчачылык өчен билгеләнгән җир кишәрлекләрендә бакча һәм торак йортларны рәсмиләштерүнең гадиләштерелгән тәртибе 2021 елның 1 мартына кадәр дәвам итәчәк. Бу хакта Росреестрның Татарстан идарәсе матбугат хезмәтендә хәбәр иттеләр.

(Казан, 17 март, «Татар-информ», Эвелина Киселева). «Казан» халыкара аэропортында Татарстан Кулланучылар хокукларын яклау һәм кеше иминлеге өлкәсендә күзәтчелек федераль хезмәте хезмәткәрләре журналистларга Татарстан башкаласына килгән пассажирларның тән температурасын ничек тикшерүләрен күрсәтте.

(Казан, 17 март, «Татар-информ», Рузилә Мөхәммәтова). Татарстан Милли китапханәсе сайтында «Нәкый Исәнбәт» электрон белешмәлеге тулыландырылган. Бу хакта китапханәнең матбугат хезмәте хәбәр итә.

(Казан, 17 март, «Татар-информ», Гөлүзә Ибраһимова). Милләтебезне саклау өчен демографик проблеманы чишәргә кирәк. Тарихчы Альберт Борһанов фикеренчә, һәр гаиләдә өч бала булса, милләт алга барачак. Ул бу хакта «ТНВ» каналының «Ком сәгате» тапшыруында әйтте.

(Казан, 17 март, «Татар-информ», Рузилә Мөхәммәтова). «Алтын битлек» театр премиясе номинанты булган спектакльләрнең күрсәтү вакыты чигерелүгә бәйле рәвештә «Әллүки» спектакле Мәскәүдә 4 апрельдә күрсәтелмәячәк. Бу хакта «Әлиф» командасы егетләре хәбәр итә.

(Казан, 17 март, «Татар-информ»). Казанда Габдулла Тукай исемендәге Татар дәүләт филармониясендә коронавирус таралу куркынычы янау һәм республикада 15 апрельгә кадәр кертелгән махсус санитар-эпидемиологик режим таләпләрен үтәү сәбәпле, карантин игълан ителде. Бу хакта филармониянең матбугат хезмәте хәбәр итә.

(Казан, 17 март, «Татар-информ», Рузилә Мөхәммәтова). «Тантана» театр премиясе номинантлары билгеле. Исемлек Театр әһелләре берлеге сайтына урнаштырылган.

(Казан, 17 март, «Татар-информ»). Россия Президенты Владимир Путин прокуратура хезмәткәрләренә доллар курсы үсеше фонында азык-төлеккә бәяләр формалаштыру һәм коронавирус таралу куркынычы өлешендә хокук бозуларга активрак чик куярга кушты. Бу хакта дәүләт башлыгы РФ Генераль прокуратурасы коллегиясе утырышында белдерде.

(Казан, 17 март, «Татар-информ», Гөлнар Гарифуллина). Татарстанда, халык саны тыгызлыгына карап, күп функцияле үзәкләр саны җитешмәгән районнар бар. Бу хакта ТР Министрлар Кабинетында брифингта Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин әйтте.

(Казан, 17 март, «Татар-информ»). Татарстан Дәүләт Советы Рәисе Фәрит Мөхәммәтшин матбугат чараларында иң күп телгә алына торган төбәк парламентлары башлыклары рейтингында өченче баскычтан икенчегә күтәрелде. Февраль ае өчен медиарейтингны «Медиалогия» компаниясе экспертлары төзеде.

(Казан, 17 март, «Татар-информ»). Татарстан Президенты Рөстәм Миңнеханов мәктәп каникуллары вакытын коронавирус таралу куркынычы янау сәбәпле бер атнага алгарак күчерергә кушты. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Казан, 17 март, «Татар-информ»). Татарстан табиблары карантинда булган Франция гражданинында Covid-2019 коронавирус инфекциясен ачыклаган. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Казан, 17 март, «Татар-информ», Рузилә Мөхәммәтова). Камал театры 6 апрельдән башлап спектакльләрне онлайн форматта һәм видеоязма рәвешендә күрсәтә башлый. Бу хакта Камал театры матбугат үзәге хәбәр итә.

(Казан, 17 март, «Татар-информ», Гөлнар Гарифуллина). Бүген Республика клиник хастаханәсе сырхауханәсендә Ленинград блокадасын кичкән ветераннар өчен профилактик медицина тикшеренүләре үткәрелде. Быел, Бөек Җиңү бәйрәме алдыннан, әлеге сәламәтлек саклау оешмасына Казанда яшәүче өч бөек Ватан сугышы ветераны беркетелгән.

(Казан, 17 март, «Татар-информ», Екатерина Ларионова). Татарстан Росреестры коронавирус таралу куркынычы янау сәбәпле гражданнарны кабул итүне туктатты. Бу хакта ведомствоның матбугат хезмәте хәбәр итә.

(Казан, 17 март, «Татар-информ», Рузилә Мөхәммәтова). Бүгенге татар җырчылары белән әңгәмәләрдә шигърият һәм белем алу турында фикерләр юк дип гаҗәпләнә профессор Ким Миңнуллин. Бу фикерләрен ул җыр сәнгатенә багышланган халыкара фәнни-гамәли конференциядә әйтте.

(Казан, 17 март, «Татар-информ»). Коронавирусны профилактикалау максатларында Казан федераль университеты студентларын 19 марттан дистанцион укуга күчерәчәкләр. Бу хакта югары уку йортының матбугат хезмәте хәбәр итә.

(Казан, 17 март, «Татар-информ»). Татарстанда чагыштырмача салкын төннәр һәм җылы көннәр булган коры һава торышы бу атнаның уртасына кадәр генә сакланачак. Бу хакта Татарстан Гидрометеорология үзәге хәбәр итә.

(Казан, 17 март, «Татар-информ», Эвелина Киселева). Бүгенге көннән Татарстанга эчке рейслар белән килгән барлык кеше дә тән температурасы контролен узачак. Бу хакта «Татар-информ» мәгълүмат агентлыгына ТР буенча Роспотребнадзор идарәсенең территорияне санитар саклау бүлеге башлыгы Луиза Борисова сөйләде.

(Казан, 17 март, «Татар-информ», Рузилә Мөхәммәтова). Г.Ибраһимов исемендәге тел, әдәбият һәм сәнгать институтының Ким Миңнуллин вирусларны әдәбият-сәнгать һәм милләт мәсьәләләренә дә бәйләп карый. Татарстан Фәннәр академиясендә җыр сәнгатенә багышлап үткәрелгән халыкара фәнни-гамәли конференциядәге чыгышын ул шушы борчулы уйларыннан башлады.