(Питрәч, 10 июнь, «Татар-информ», «Питрәч-информ», Ольга Ефремова). Питрәч проектлары грант конкурсында җиңде.Грантка Алена Гаврилова һәм Александр Буздалов, шулай ук «Татарстан Республикасы Аграр яшьләр берләшмәсе» төбәк иҗтимагый оешмасының Питрәч бүлекчәсе лаек булды. Бу турыда район басмасы хәбәр итә. «В гости в Скорлупино» — «Татарстан Республикасы Аграр яшьләр берләшмәсе» төбәк иҗтимагый оешмасының Питрәч бүлеге проекты да шулай атала. Яңа эш төбәкнең туризм тармагын үстерүгә юнәлдерелгән. Питрәчнең «Скорлупино» һәм «Әлбәден» хәрби уеннары» мисалында авыл җирендә вакыйгалы чараларны оештыручылар өчен белем бирү форумын үткәрү планлаштырыла. «Проектны без Россиянең төп вакыйгаларын оештыручылар белән бергә эшлибез, ягъни безнең команда бик яхшы», — дип сөйли «Татарстан Республикасы Аграр яшьләр берләшмәсе» төбәк иҗтимагый оешмасының район бүлекчәсе рәисе Наилә Таҗиева. «Кочевники. Время новых героев» проекты авторлары Алена Гаврилова һәм Александр Буздалов Наилә Таҗиеваны үзләренең юл күрсәтүчесе итеп саный. Аларның идеясе — балаларга спорт-тарихи тәрбия бирү, сәламәт яшәү рәвешен популярлаштыру һәм безнең районда яңа туристик үзәкне үстерү. «Татнефть» хәйрия фонды җиңүчеләргә бу ай азагына кадәр түләргә вәгъдә итә. Бүләкләү тантанасы коронавирус пандемиясе аркасында кичектерелде.