Новости за 10.06.2020

(Актаныш, 10 июнь, «Татар-информ», «Актаныш таңнары»). Бүген, ТАССРның 100, Бөек Җиңүнең 75, район төзелүгә 90 һәм Актанышның 310 еллыгына багышланган велоузыш башланды. Ул ике көн дәвамында барачак һәм тулысы белән районны колачлый. Бу турыда район басмасы хәбәр итә. Беренче көнне спортчылар 73 километр араны узарга ниятли. Велоузыш барышында 12 авыл җирлегендә булып, тарихы белән танышып махсус әзерләнгән истәлек билгеләре дә тапшырылачак. Шундый очрашуларның тәүгесе Уразай җирлегендә узды. Читать дальше...

(Питрәч, 10 июнь, «Татар-информ», «Питрәч-информ», Ольга Ефремова). Питрәч проектлары грант конкурсында җиңде.Грантка Алена Гаврилова һәм Александр Буздалов, шулай ук «Татарстан Республикасы Аграр яшьләр берләшмәсе» төбәк иҗтимагый оешмасының Питрәч бүлекчәсе лаек булды. Бу турыда район басмасы хәбәр итә. «В гости в Скорлупино» — «Татарстан Республикасы Аграр яшьләр берләшмәсе» төбәк иҗтимагый оешмасының Питрәч бүлеге проекты да шулай атала. Яңа эш төбәкнең туризм тармагын үстерүгә юнәлдерелгән. Читать дальше...

(Казан, 10 июнь, «Татар-информ»). Татарстан ветераннар оешмасы Казанга «Хезмәт батырлыгы шәһәре» исемен бирү тәкъдимен хуплады. Иҗтимагый оешма Татарстан башкаласы мэры Илсур Метшинга махсус хат җибәргән. Бу турыда «Татарстан ветераннар берлеге» республика иҗтимагый оешмасының комитет рәисе Әхәт Юлашев хәбәр итте. «Без ике атна элек шәһәр мэрына оешма исеменнән үтенеч юлладык. Казан ветераннарының Җиңүгә, оборона сәнәгатенең барлык тармакларына зур өлеш кертүен исәпкә алып, шәһәргә бу исемне бирүне сорыйбыз. Читать дальше...

(Казан, 10 июнь, «Татар-информ»). «Сетевая компания» ачык акционерлык җәмгыяте кулланучыларга электр энергиясен бирү проблемаларының сәбәпләрен анализлады. Директорлар советы утырышын Татарстан Премьер-министры Алексей Песошин уздырды. Бу хакта компаниянең матбугат хезмәте хәбәр итә. Коронавирус пандемиясе аркасында Директорлар советы утырышы видеоконференцэлемтә режимында узды. 2020 елның I кварталы нәтиҗәләре буенча технологик хокук бозуларга анализ тәкъдим ителде. Анда электр бирү проблемаларының... Читать дальше...

(Казан, 10 июнь, «Татар-информ»). 1 июльдә - Конституциягә үзгәрешләр буенча тавыш бирү көнендә эшләүчеләргә югары хезмәт хакы түләнәчәк, калган эш көне өчен гадәти түләү булачак. Бу хакта Федерация Советының социаль комитет башлыгы Инна Святенко сүзләренә сылтама белән РИА Новости хәбәр итә. «Тавыш бирү көнендә эшләгән өчен зур күләмдә түләү каралган. Гражданнар июльдә хезмәт хакын югалтырга тиеш түгел», — диде ул. Сенатор искәрткәнчә, ял һәм эшләми торган бәйрәм көннәрендә хезмәт өчен түләү... Читать дальше...

(Казан, 10 июнь, «Татар-информ», Рузилә Мөхәммәтова). Традицион мәдәниятне үстерү республика үзәге татар милли киеме бәйгесе игълан итте. Бу хакта ул инстаграм аккаунтында хәбәр итә. Милли кием бәйгесе Фольклор үзәгенең «Сабан туе» курслары кысаларында үткәрелә. Бәйгенең шартлары буенча, катнашырга теләүче заманча милли образда фоторәсемгә төшәргә һәм милли кием/орнамент белән бәйле хатирәләре белән уртаклашырга тиеш. Җиңүче 30 июль көнне билгеле булачак. Биш җиңүчегә чигүле букча, изү, милли чүәкләр, калфак һәм яулык вәгъдә ителгән. Читать дальше...

(Казан, 11 июнь, «Татар-информ»). БДИ нәтиҗәләреннән башка югары уку йортына керү өчен гаризаларны 20 июньнән бирергә мөмкин булачак, шул исәптән дистанцион рәвештә дә. РФ премьер-министры Михаил Мишустин шул хакта әйткән. Бу турыда Татарстан Мәгариф һәм фән министрлыгы хәбәр итте. «Бу елның тагын бер үзенчәлеге — мәктәпне тәмамлаучыларга 20 июньнән үк вузларга керү өчен гариза бирү мөмкинлеге, моны читтән торып та эшләргә мөмкин булачак, ә БДИ тапшырганнан соң нәтиҗәңне күрсәтергә мөмкин», — диде... Читать дальше...

(Казан, 10 июнь, «Татар-информ», Полина Шевчук). Чаллыдагы психоневрология диспансерында коронавирус учагы булмаган. Татарстан прокуратурасы шундый нәтиҗә чыгарган. Бу хакта Татарстан прокурорының өлкән ярдәмчесе Руслан Галиев сөйләде. Хәзерге вакытта диспансерда коронавирус таралу турындагы мәгълүмат расланмады. COVID-19 йоктыру шиге булган пациентларны Автошәһәр хастаханәсенә салуның аерым очраклары гына ачыкланды. «Шулай ук күзәтчелек ведомствосы пациентларга медицина хезмәтләре күрсәтү сыйфаты... Читать дальше...

(Казан, 10 июнь, «Татар-информ», Диана Авакян). «Хезмәт батырлыгы шәһәре» исемен бирү мөмкинлеге теге яки бу төбәкнең Бөек Ватан сугышы нәтиҗәсенә керткән өлеше белән билгеләнә. Татарстан АССР Җиңүгә ирешүдә зур роль уйнады. Бу турыда республиканың «Патриот» спорт-патриотик һәм хәрби әзерлек яшьләр үзәге директоры Дмитрий Литвинов сөйләде. «Бу Казанда җитештерелгән танылган Пе-2 самолетлары, „Мелита“ фабрикасы, анда совет хәрби хезмәткәрләре өчен 80 процент диярлек мех эшләнмәләре җитештерелгән. Андый оешмалар күп. Читать дальше...

(Казан, 10 июнь, «Татар-информ»). Быел көз Казанда Колодкина йорты реставрациясен тәмамларга ниятлиләр. Анда күренекле татар язучысы һәм җәмәгать эшлеклесе Фатих Әмирхан яшәгән. Бу хакта Татарстан башкаласы мэриясенең матбугат хезмәте хәбәр итә.  Объектны 2015 елда торгыза башлаганнар. Жуковский урамы, 12 йорт адресы буенча урнашкан бина казанлыларга «гәрәбә йорты» буларак билгеле. Ул XIX гасыр ахырында төзелә һәм 1913 елга кадәр дворян Людмила Колодкинаныкы була. Фатих Әмирхан биредә 1916 елдан 1926 елга кадәр яши. Читать дальше...

(Казан, 10 июнь, «Татар-информ»). Россиядә Торак-коммуналь хуҗалык хезмәтләре өчен тарифлар 2019 ел дәрәҗәсендә калырга мөмкин. Бу турыда Россия Төзелеш һәм торак-коммуналь хуҗалык министрлыгы башлыгы Владимир Якушев сүзләренә сылтама белән «Интерфакс» хәбәр итә. «1 июльдән торак-коммуналь хуҗалык хезмәтләреннән файдаланган өчен тарифларны күтәрмәү, халыкның түләүләрен арттырмау инициативасы бар», — диде Владимир Якушев. Аның сүзләренчә, әгәр мондый карар хупланса, тармак акчага кытлык кичерәчәк. Читать дальше...

(Казан, 11 июнь, «Татар-информ»). Казанның Мәскәү районында яшел тәмләткечләр, яшелчәләр, чәчәкләр һәм тозланган яшелчәләрне сату өчен махсус киштәләр урнаштырдылар. Киштә кырыена «Дәү әни бакчасыннан» дип язылган. Бу турыда Казан мэриясенең матбугат хезмәте хәбәр итте. Үз продукциясен сатучы әбиләр өчен яңа уңайлы урыннарны Коләхмәтов ур., 33 адресындагы сәүдә үзәге янында урнаштырдылар. Сату урыннары «Бабушкина грядка. Дәү әни бакчасыннан» проекты кысаларында барлыкка килгән. «Киров һәм Мәскәү... Читать дальше...

(Казан, 10 июнь, «Татар-информ»). Коронавирустан беренче вакцинаны көз яки кыш кулланырга мөмкин булачак. бу хакта РИА Новости хәбәр итә. Аны Оксфорд университеты Италиянең Irbm компаниясе белән бергә эшли. Бу турыда Италия сәламәтлек саклау министры киңәшчесе һәм Бөтендөнья сәламәтлек саклау оешмасында ил вәкиле Вальтер Риччарди әйткән. «Әгәр барысы да яхшы барса, көз-кыш бездә вакциналарның беренче дозасы булырга мөмкин, шул исәптән итальяннар өчен дә», — диде ул Rai3 телеканалы эфирында. Вальтер Риччарди сүзләренчә... Читать дальше...

(Истанбул, 10 июнь, «Татар-информ», Рушания Алтай). Төркиядә иҗат ителгән «Казан мәликәсе Сөембикә» пьесасының авторы, төрек драматургы һәм рәссам Музаффәр Кая 92 яшендә Истанбулда вафат булды.   Музаффәр Кая татар халкына шактый таныш исем. Музаффәр Кая «Казан мәликәсе Сөембикә» пьесасын 1968 елда язган. Ул Казан ханлыгы ханбикәсе хакында язган пьесасы өчен 1999 елда «Сөембикә беләзеге» премиясенә лаек күрелде. 2002 елда Бөтендөнья татар конгрессы съездында Татарстан Президенты Миңтимер Шәймиевнең махсус кунагы буларак катнашты. Читать дальше...

(Казан, 10 июнь, «Татар-информ»). Татарстанда ел ахырына кадәр дәүләт хезмәткәрләре шифаханәләрдә ял итә алмаячак. Бу турыдагы карарны республика Премьер-министры Алексей Песошин имзалады. Яңа карар хокукый мәгълүматның рәсми интернет-порталында чыкты. «Татарстан Республикасы дәүләт һәм муниципаль учреждениеләре хезмәткәрләрен шифаханә-курорт дәвалануы белән тәэмин итү тәртибен раслау турында» гы Татарстан Министрлар Кабинетының 2004 елның 16 апрелендә гамәлгә куелган карарын 2021 елның 1 гыйнварына кадәр гамәлдән чыгарырга», — диелә карарда. Читать дальше...

(Казан, 10 июнь, «Татар-информ»). Ютазы районында бер хатынны яшен сугып үтергән. Аның белән булган икенче хатын да җитди зыян күргән. Бу турыда «Баулы-информ» хәбәр итте. Фаҗига 9 июньдә була. Ютазы авылында яшәүче ике хатын кич белән урамда йөрергә чыга. Алар скандинавия йөреше белән шөгыльләнә. Шул вакытта яңгыр ява башлый. Бер мизгелдә яшен суга. Ике хатын да имгәнә. 61 яшьлек хатын-кыз һәлак була. Икенчесе хатынны Урыссу хастаханәсенә озаталар. Ул авыр хәлдә була.

(Казан, 10 июнь, «Татар-информ», Ләйсән Рәхмәтуллина). Россия Пенсия фонды эшкә сәләтсез һәркемнең караучысы табылуын тели. Бу хакта «Татар-информ»да узган «Эшкә сәләтсез кешеләрне тәрбияләү» турындагы матбугат конференциясендә Россия Пенсия фондының Татарстан буенча бүлегенең пенсияне билгеләү һәм яңадан исәпләү бүлеге башлыгы Светлана Гайдук әйтте. «Пенсия фонды бүлеге инвалидлар яки эшкә сәләтсез кешеләрне тәрбияләүче, үзләре эшләмәүче гражданнарны компенсация рәсмиләштерергә чакыра. Моны барлык эшкә сәләтле... Читать дальше...

(Казан, 10 июнь, «Татар-информ»). Сарапулның татар телен өйрәнү буенча «Туган тел» интерактив онлайн-мәктәбе 100 мең сум субсидия алган. Бу турыда Бөтендөнья татар конгрессы сайтында хәбәр ителә. Сарапул шәһәренең Мәдәният сарае проекты — милли мәдәниятне торгызу һәм үстерү электрон-үзәге проекты Удмуртия Республикасында дәүләт милли сәясәте өлкәсендәге проектларны гамәлгә ашыруга субсидияләрне конкурста бүлүдә җиңүчеләр исәбенә кергән. Субсидия акчасына 2021 елда шәһәрдә «Туган тел» татар телен... Читать дальше...

(Казан, 10 июнь, «Татар-информ»). Бүген, 16.00 сәгатьтән соң, Арчаның Яңа Кенәр авылында яңгыр һәм эре боз яуды. Бозлы яңгыр 15 минутлап яуган. Бу хакта авылда яшәүчеләр хәбәр итә.  «Боз һәм коеп яуган яңгыр суы түтәл араларына җыелды. Боз яшелчәләрне аударып бетерде»,  — дип яза алар.

(Казан, 10 июнь, «Татар-информ»). Бөтендөнья татар конгрессының Россия Конституциясенә үзгәрешләр кертү мәсьәләсе буенча гомумроссия тавыш бирү белән бәйле мөрәҗәгате чыкты. Бу турыда Бөтендөнья татар конгрессы матбугат хезмәтендә хәбәр ителә. «Татарлар күпмилләтле Россиянең аерылгысыз бер өлеше булып тора. Без илебезнең барлык халыклары белән бергә тирән социаль-икътисади һәм иҗтимагый-сәяси үзгәрешләр аша уздык, сынау елларында Ватан бәйсезлеген якладык. Бүгенге иҗтимагый үсеш шартларында безнең уртак кыйммәтләрне... Читать дальше...

(Казан, 10 июнь, «Татар-информ»). 11 июньдә төнлә һәм иртән Татарстан территориясендә урыны белән томан төшәчәк. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә. Моннан тыш, Татарстанда, шулай ук Казанда яшенле яңгыр көтелә. Секундына 15-20 метр тизлектә җил исәчәк. Боз яварга мөмкин.

(Казан, 10 июнь, «Татар-информ»). Татарстанда яшәүче 140 мең сум кредит алган һәм мошенникларга күчергән. Бу хакта Россия Эчке эшләр министрлыгының Казан буенча идарәсе матбугат хезмәтендә хәбәр иттеләр. Казанның “Азино-2” полиция бүлегенә Татарстанның Питрәч районында яшәүче мөрәҗәгать иткән һәм мошенникларга алдануы турында сөйләгән. Аның сүзләренчә, банкның куркынычсызлык хезмәтеннән шалтыратып, банк клиентларының шәхси мәгълүматлары таралу аркасында хатын-кызның исеменә кредит алганнар дип аңлатканнар. Читать дальше...

(Казан, 10 июнь, «Татар-информ»). «Сабантуй» журналының туры эфирында Татарстанның атказанган артисты Ландыш Нигъмәтҗанова интервью бирәчәк. Интервью 11 июнь көнне 16.00 сәгатьтә журналның инстаграм аккаунтында узачак. Журнал редакциясе башлап җибәргән яңа «Әни блогерлар» проекты кысаларында атна саен блогер әниләр белән туры эфирда әңгәмә уза. Бер сәгатькә якын сөйләшүдә балаларны тәрбияләү, интернетта үз исемеңне булдыру, блог алып бару серләре турында фикер алышу бара. Әңгәмәләрнең барысы да igtv форматында аккаунтта саклана. Читать дальше...

(Чаллы, 10 июнь, «Татар-информ», Эльвира Мөхәмммәтдинова). Чаллыда «Лада» автомобиле зур тизлектә бетон киртәгә килеп бәрелгән, шоферы үлгән. Бу хакта җирле Дәүләт автоинспекциясеннән хәбәр иттеләр. Юл һәлакәте төн уртасында Садоводческая урамында булган. «Лада Гранта» автомобиленең 27 яшьлек йөртүчесе, башлангыч мәгълүматларга караганда, зур тизлектә хәрәкәт иткән, көн дә яңгырлы булган. Кайсыдыр мизгелдә ул идарәсен югалткан, машина әйләнеп капланган һәм бетон киртәгә килеп сыланган. Җиңел автомобиль шоферы... Читать дальше...

(Казан, 10 июнь, «Татар-информ», Зилә Мөбәрәкшина). Татарстан Язучылар берлеге рәисе Данил Салихов вәкаләтләрен бер елга озайтылу турындагы хәбәргә аңлатма биреп үтте. Бу хакта ул «Татар-информ» хәбәрчесенә сөйләде. «2016 елның 16 июнендә Татарстан Язучылар берлегенә рәис итеп мине сайладылар. Төгәл 4 елдан соң, яңа рәис билгеләнергә тиеш иде. Әмма, коронавирус сәбәпле, Корылтай чигерелде. Яңа рәис сайланмады, әмма оешманың эшен алып барырга кирәк. Шуңа күрә Корылтай булганчы рәис вәкаләтләре вакытлыча озайтылды», — диде ул. Читать дальше...