Татарстанда объектларга, күп фатирлы торак йортларга капиталь ремонт ясау дәвам итә
(Казан, 25 июль, «Татар-информ»). Татарстанда күп фатирлы йортларга капиталь ремонт программасы буенча 41 муниципаль районда гомуми мәйданы 6,5 млн кв. м булган 1 064 йортка ремонт ясау планлаштырыла. Финанслау күләме 6 млрд 658 млн 58 мең сум тәшкил итә. Бу хакта бүген Татарстан Хөкүмәте Йортында узган киңәшмәдә республика төзелеш, архитектура һәм торак-коммуналь хуҗалык министрының беренче урынбасары Алексей Фролов искәртте. Республика җитәкчесенең матбугат хезмәте шул хакта хәбәр итә.
Барлык районнар белән видеоконференцэлемтә режимындагы киңәшмәне Татарстан Президенты Рөстәм Миңнеханов үткәрде. Киңәшмәдә Татарстан Республикасы Премьер-министры Алексей Песошин катнашты.
Алексей Фролов хәбәр иткәнчә, гомуми белем бирү оешмаларын капиталь ремонтлау программасы буенча 36 мәктәпне ремонтлау планлаштырыла. 2020 елның 23 июленә 32 объектта эш алып барыла, 4 объектта эшләр төгәлләнгән.
Коррекцион мәктәпләргә капиталь ремонт буенча барлык 3 объектта да эш алып барыла.
Мәктәпкәчә учреждениеләргә капиталь ремонт буенча 87 объектта ремонт ясау планлаштырылган, эшләр 72 объектта алып барыла. 15 объектта эшләр төгәлләнгән.
Гомуми белем бирү һәм коррекцион мәктәпләрендә функциональ зоналарга капиталь ремонт планлаштырылган 42 объектның 26сында бара, 16 объектта эшләр төгәлләнгән. Коррекцион мәктәпләр буенча ике объектта эш алып барыла.