Миңнеханов Халыкара күргәзмәләр ассоциациясе башлыгы белән KazanForum хакында сөйләште
Татарстан Рәисе Рөстәм Миңнеханов Discover Events компаниясенең идарә рәисе, Төркиянең Халыкара күргәзмә оештыручылар ассоциациясе президенты Юныс Эте белән «Россия – Ислам дөньясы: KazanForum» икътисади форумына әзерлек хакында фикер алышты. Бу хакта ТР җитәкчесенең матбугат хезмәте хәбәр итә.
Яклар шулай ук тулаем алганда халыкара күргәзмә эшчәнлеген оештыру өлкәсендәге хезмәттәшлек мәсьәләләре турында да сөйләште.
Очрашуда ТР авыл хуҗалыгы һәм азык-төлек министры Марат Җәббаров, ТР Инвестицион үсеш агентлыгы башлыгы Талия Миңнуллина һ.б. катнашты.
- Юныс Эте тәкъдим иткән компания Төркиядә күргәзмә-ярминкә чараларын оештыруда әйдәп баручыларның берсе. Шул исәптән ул Russia Halal Ехро күргәзмәсендә «Рацин» АҖ белән берлектә тәкъдим ителгән илнең илкүләм павильонын - «Агроидел-2022» күргәзмәсендәге павильонны оештыручы да.