Артём Лукояновның хәлиткеч алкасы «Ак Барс»ка җиңү китерде
Бүген «Ак Барс» Чиләбенең «Трактор» хоккей командасын 2:1 исәбенә җиңде. Уен Казанда «Татнефть Арена» боз сараенда узды.
Беренче период голларсыз үтте.
Икенче периодың унөченче минутында «Ак Барс» һөҗүмчесе Семён Кошелев исәпне ачты (1:0).
Өченче периодның алтынчы минутында, «Ак Барс» азчылыкта уйнаганда, «Трактор» һөҗүмчесе Максим Шабанов исәпне тигезләде (1:1). Голга китергән нәтиҗәле пасларны аңа Владимир Ткачёв белән Данил Юртайкин бирде. Владимир Ткачёв – Казан хоккей мәктәбе шәкерте, «Ак Барс» составында Гагарин Кубогына ия булган хоккейчы.
Сигезенче минутта «Ак Барс» һөҗүмчесе Артём Лукоянов команданы кабат алга чыгарды (2:1). «Трактор» командасы, алканы керткәндә капкачыга комачау иттеләр дип шикләнеп, хөкемдарларның видеокабатлау карауларын сорады, тик гол чиста кергән дип исәпләнде.
Командалар составы:
«Ак Барс»
- Билалов (Мифтахов);
- Лукоянов – Кателевский – Дыняк, Юдин – Миллер;
- Кагарлицкий – Шипачёв – Радулов, Князев – Войнов;
- Галиев – Семёнов – Кошелев, Журавлёв – Лямкин;
- Галимов – Сафонов – Свечников, Адамчук.
«Трактор»
- Фукале (Мыльников);
- Калинин – Родуолд – Робинсон, Карпухин – Телегин;
- Шабанов – Ткачёв – Юртайкин, Яруллин – Блажиевский;
- Кравцов – Сошников – Бурдасов, Дронов – Николаев;
- Жарков – Шаров – Котляревский (Рыков), Щучинов.
«Ак Барс»ның киләсе уены Уфада узачак. «Салават Юлаев» командасына каршы матч 10 февральдә 14:30 сәгатьтә башлана.