70тән артык махсус хәрби операция солдаты Чаллыда дәвалану һәм тернәкләнү узды
Чаллыда махсус хәрби операция катнашучылары дәвалану һәм тернәкләнү уза. Бу елның башыннан сугыш ветераннары өчен госпитальнең стационары һәм поликлиникасында 70 артык хәрби хезмәткәргә медицина ярдәме күрсәтелде. Алар белән мультидисциплинар бригада эшли. Бригада тар белгечләр дә керә.
Позывное Кузя булган хәрби - махсус хәрби операция катнашучысы. Ир-ат 2022 елның 28 декабрендә булган яуда яраланган. Төнлә хәрбиләрне тревога белән уятканнар, атыш башланган.
«Мин ата башладым, <...> үзем аңламыйча да торам, кулымнан автоматым төшеп китте. Башта мин берни дә аңламадым, башым әйләнә башлады, егылдым. Һәм мине бер егет коткарды. Тирсей, ул Әгерҗе районыннан, якташым булып чыга. Ул мине өстерәп чыгарды, санинструктор шундук миңа авыртуны баса торган дарулар кадады, жгут салды», - дип сөйләде хәрби хезмәткәр.
Солдатның сүзләренчә, пуля аның терсәгенә тигән. Аңа Читада алты сәгать дәвам иткән операция ясаганнар. Хәзер исә хәрби хезмәткәр һәм аның хатыны Наталья Чаллыда реабилитациягә өметләнә. Солдатның хатыны әйтүенчә, мондый медицина ярдәме кулны эшләтеп җибәрү өчен кирәк.
«Мин аның өчен бик борчылам, әлбәттә. Кулын төзәтә алырбыз дип ышанасым килә. Чөнки ирем яшь, ике кулы да эшләсен иде инде. Хәзерге вакытта аңа III төркем инвалидлык бирелде. Ягъни кул тулысынча эшләми», - дип аңлатты хатын.
2023 елдан ветераннар өчен госпитальдә меңнән артык махсус хәрби операция солдаты тернәкләнү һәм дәвалану узды.
«Аларга нинди төр ярдәм кирәк булуына, нинди яра алуына, гомумән, үзләрен ничек хис итүенә карап, тернәкләндерү программасын төзибез. Һәм солдатлар я поликлиникада, я стационарда тернәкләнү уза», - дип аңлатты сугыш ветераннары өчен госпитальнең баш табибы Резеда Мәүзүтова, .
Хәрби хезмәткәрләр белән психологлар, логопедлар, табиб-кардиологлар, неврологлар, терапевтлар һәм башка бик күп белгечләр шөгыльләнә.
«Без госпитальнең гипнотария кабинетында. Бу кабинет яңа компьютерлар, релаксация өчен яңа системалар белән җиһазландырылган. Бу кабинетта авырулар психологик бушана ала», - дип сөйләде сугыш ветераннары өчен госпитальнең табиб-психиатры Ринат Уразбахтин.
Хәрби хезмәткәрләрнең үзләреннән тыш, реабилитация һәм дәвалануны аларның туганнары да ала. Бер ел эчендә 200 якын сугышчының якын кешесе медицина ярдәме алды, дип хәбәр иттеләр сугыш ветераннары өчен госпитальдә.
Махсус хәрби операция РФ Президенты Владимир Путин карары белән 2022 елның 24 февраленнән бара. Хакимият күп тапкырлар операциянең куелган максатларга ирешүгә кадәр дәвам итәчәген белдерде. Әлеге максатлар арасында Россиянең иминлеген гарантияләүче шартлар тудыру да бар.
Контракт буенча РФ Хәрби көчләренең сафларында хезмәт итү, шулай ук премияләр, ташламалар һәм түләүләр турында heroes-tatarstan.ru яки 117 телефоны буенча күбрәк белергә була.