Миңнеханов: Үзмәшгуль химаясендә үзен дөрес тотмый торган күп структуралар барлыкка килде
Татарстан Рәисе Рөстәм Миңнеханов республика финанс, казначылык һәм салым органнары киңәшмәсе барышында хезмәт хакын легальләштерү мәсьәләсе хакында әйтте. Бу турыда «Татар-информ» хәбәрчесе Александр Хевронин яза.
Ул хезмәт хакын легальләштерүгә аерым игътибар бирде. «Бөтенләй үк үзмәшгуль булмаган кешеләр дә үзмәшгуль дип кача башлады. Намуссызлык, андый мөмкинлек булса да, моның белән чиктән тыш кулланырга ярамый. Кем үзмәшгуль була алу мөмкинлегенең төгәл билгеләмәсе бар, ә үзмәшгуль химаясендә үзен дөрес тотмаган күп структуралар барлыкка килде», - дип ачуланды Татарстан җитәкчесе.
Миңнеханов шулай ук «конвертта түләүләр»гә дә тукталды.
«Боларның барысы да күренә. Без кемнең күпме акча эшләгәнен карый һәм «конвертлы түләүләр» буенча нәтиҗәләр ясый алабыз. Төгәл һәм максатчан эшләргә кирәк. Барысы да законнарга туры килергә тиеш», - дип белдерде Татарстан Рәисе.