Сөембикә манарасына реконструкцияне БРИКС Уеннары һәм саммит тәмамланганнан соң ясыйлар
Казанда төп халыкара чаралар - БРИКС Уеннары һәм саммит тәмамланганнан соң, Сөембикә манарасына реконструкция ясаячаклар. Мәдәни мирас объектларын саклау комитеты рәисе Иван Гущин ТР Министрлар Кабинетындагы брифингта шулай дип белдерде.
«Быел без «Татинвестгражданпроект» белән бергә Сөембикә манарасының фасад өлеше, гидроизоляция буенча башкарылачак эшләрне карыйбыз. Халыкара вакыйгалар тәмамланганнан соң турыдан-туры икенче этапка – эчке, конструктив өлешкә күчәбез», - дип искәртте докладчы. Бу турыда «Татар-информ» хәбәрчесе Александра Давыдова яза.
Реставрация проектын эшләүгә 7,5 миллион сум сарыф ителәчәк. Сөембикә манарасын яңартуның күпмегә төшәчәге әлегә билгеле түгел.