Чирмешәннең биюче кызлары Гран-при откан
Чирмешәннән Мария Гришанина һәм Милена Петрова Алабуга шәһәрендә «Алло, без талантлар эзлибез» республика бәйгесендә Гран-прига лаек булган. Бу хакта «Безнең Чирмешән» газетасы яза.
Биюче кызларның сәнгать җитәкчесе Ирина Гришанина.
Чирмешәндә балалар сәнгать мәктәбенең хореография бүлеген тәмамлаган кызларга Алабугадагы мәдәният һәм сәнгать көллиятенә укырга керү өчен сертификат тапшырганнар.
Алар әлегә беренче санлы Чирмешән урта мәктәбенең 9 нчы сыйныфында белем ала, диелә хәбәрдә.