Министрліктің жоғары лауазымды қызметкері пара алды деген күдікке ілінді - Антикор
Сыбайлас жемқорлыққа қарсы қызмет Ауыл шаруашылығы министрлігі Балық шаруашылығы комитетінің төрағасына және басқа да тұлғаларға қатысты соталды тергеу амалдарын жүргізіп жатыр. Жоғары лауазымды шенеунік бірнеше рет пара алды деген күдікке ілінді, - деп хабарлайды Tengrinews.kz тілшісі.
Антикордың ресми өкілі Данияр Бегайдаровтың айтуынша, күдіктіге қатысты үйқамақ түріндегі бұлтартпау шарасы қолданылып, оған электрон білезік тағылған.
"Олар жалпы қамқорлық жасағын үшін 2021-2024 жылдар аралығында шағын және орта бизнес өкілдерінен жүйелі негізде пара алды деп күдіктеліп отыр. Ол (Комитет төрағасы – еск.) өз кінәсін толық мойындап, қазір тергеуге ынтымақтасып жатыр", - деді Бегайдаров.
Сілтемесіз жаңалық оқисыз ба? Онда Telegram желісінде парақшамызға тіркеліңіз!