Կայացավ «COM.E ON FORUM Երևան»-ը․ OZON մարքեթփլեյսը գործարարներին ներկայացրեց առցանց վաճառքի առավելությունները
Այսօր Երևանում կայացավ ռուսական ամենամեծ OZON մարքեթփլեյսի կողմից հայ գործարարների համար կազմակերպված «COM.E ON FORUM Երևան»՝ գործարարության և առցանց վաճառքի մասին առաջին բիզնես ֆորումը։
Ֆորումը հնարավորություն էր տալիս մասնակցել թե՛ անցանց տարբերակով՝ Երևանի Մարիոթ հյուրանոցում, շուրջ 500 հյուրի համար, թե՛ առցանց՝ Հայաստանի և ԱՊՀ երկրներից մասնակիցների համար:
Ֆորումը նախատեսված էր հայ գործարարների համար, ովքեր արդեն իսկ համագործակցում են, կամ ցանկանում են համագործակցել OZON մարքեթփլեյսի հետ, ինչպես նաև OZON մարքեթփլեյսի պատվերների հանձնման կետերի սեփականատերերի համար:
Բանախոսներն էին՝ Ալեքսեյ Սապոնը՝ ԱՊՀ երկրներում Ozon-ի գործառնությունների և զարգացման տնօրենը, Աշոտ Հախվերդյանը՝ Հայաստանում Ozon-ի կոմերցիոն տնօրեն, Դենիս Դյաչենկոն՝ ԱՊՀ-ում Ozon-ի գործընկեր լոգիստիկ ծրագրերի զարգացման ղեկավար, Զիյաթ Մաշուրովը՝ ԱՊՀ երկրներում Ozon-ի թրեյդ-մարքեթինգային խմբի ղեկավար, Մարիամ Աղախանյանը՝ Հայաստանում Ozon-ի գործընկերների զարգացման մենեջերը, Կարեն Մուրադյանը՝ ՀՀ Էկոնոմիկայի նախարարության Առևտրի և ինտեգրացիայի վարչության խորհրդականը։
ԱՊՀ երկրներում Ozon-ի գործառնությունների և զարգացման տնօրեն Ալեքսեյ Սապոնն անդրադարձավ օնլայն վաճառքի նորարարական միտումներին՝ թե՛ Հայաստանում, թե՛ Ռուսաստանում:
«Շուկան շարունակելու է աճել, բայց 2027 թվականին օնլայն շուկան աճելու է 3 անգամ ավելի: Գրեթե ամեն ինչ մարդիկ սկսելու են գնել օնլայն հարթակներից: Իսկ Ռուսաստանի հաճախորդներին պետք են Հայաստանի վաճառողների ապրանքները, որովհետև նրանք ուզում են ավելի ու ավելի գնել:
Իսկ ինչ է կարևոր գնորդների համար՝ արագություն, հարմարավետություն և գին»,- նշեց նա:
Սապոնը ներկայացրեց OZON-ի հնարավորությունները հայ բիզնեսմենների համար, թե ինչպես կարող են ապահովել վաճառքի աճը:
Նա նշեց, որ ապրիլին կգործարկվի Հայաստանում գործող խանութների ապրանքների փաթեթավորման ծառայությունը, որն ավելի կարագացնի առաքման գործընթացը, հուլիսին կգործարկվի տեղական պահման կետ՝ Երևանում, իսկ երկրորդ եռամսյակում կմեծացվի դեպի Ռուսաստան առաքման հաճախականությունը:
Հայաստանում Ozon-ի կոմերցիոն տնօրեն Աշոտ Հախվերդյանը անդրադարձավ Հայաստանում պատվերների հանձնման կետերին, հնարավորություններին, նոր ծրագրերին և դժվարություններին:
«OZON-ը Հայաստան է եկել 2023 թվականի մայիսին, մենք բացեցինք տեսակավորման կետ, և արդեն հուլիսին մեր թիմը հավաքեցինք, նոյեմբերին արդեն ակտիվ զբաղվում էինք Ռուսաստանում հայկական ապրանքների վաճառքով:
Իհարկե, առանց դժվարությունների չէր լինի, սակայն ներկայումս Հայաստանի տարածքում գործում են առաքման 192 կետ, որոնց թիվը դեռ ավելանալու է:
OZON-ում արդեն գրանցված է ավելի քան 2500 հայ վաճառող և պատվերների քանակն ամեն ամիս աճում է ավելի քան 2 անգամ:
Իսկ հայ ակտիվ գնորդներն ամսական ավելի քան 170,000-ն են և օրական 5000 պատվեր է կատարվում»,- նշեց Աշոտ Հախվերդյանը:
Ըստ նրա Հայաստանում ամենապահանջված ապրանքների կատեգորիաներն են՝ «Էլեկտրոնիկա», «Ապրանքներ տան համար» և «Գեղեցկություն և առողջություն»:
Բիզնես ֆորումի ընթացքում եղան պանելային և հարցազրույցի ֆորմատով քննարկումներ:
Լրագրողների հետ զրույցում ԱՊՀ երկրներում Ozon-ի գործառնությունների և զարգացման տնօրեն Ալեքսեյ Սապոնը նշեց.
«Ֆորումի հիմնական նպատակն էր, որ կարողանանք հաղորդակցվել ձեռնարկատերերի հետ և պատմենք նրանց OZON-ի միջոցով վաճառքների մասին:
Նաև տեղեկացնենք, որ բացի ռուսաստանյան շուկայից կա նաև ակտիվ աճող էլեկտրոնային կոմերցիայի հայաստանյան շուկա: Եվ, իհարկե, մեր նպատակն էր պատմեր, որ Հայաստանում արդեն գործում է պատվերների հանձնման 192 կետ և դրանք արդեն բնակչությանը հասանելի են: Եթե նախկինում կային թերացումներ բեռնափոխադրման հարցում, այժմ այդ հարցերը լուծված են»:
Նշենք, որ Ozon-ը առաջատար բազմատեսակ մարքեթփլեյս է և Ռուսաստանի խոշորագույն ինտերնետային ընկերություններից մեկը:
Ozon-ը առաջնահերթություններից է օգնել սկսնակ և փորձառու, այդ թվում՝ մարզերի վաճառողներին զարգացնելու և ընդլայնելու իրենց բիզնեսը:
2020 թվականից Ozon-ը զարգացնում է միջազգային բիզնեսը: Այս պահին ընկերությունը գործում է 8 երկրում՝ Ռուսաստան, Բելառուս, Ղազախստան, Ղրղըզստան, Հայաստան, Ուզբեկստան, Չինաստան, Թուրքիա: