Ինչպես երեխային չի կարելի լուցկի տալ կամ միացրած թողնել արդուկը, այնպես էլ չի կարելի նախագահին արտասահման թողնել․ Վրաստանի «Ժողովրդի ուժը» կուսակցության առաջնորդը՝ Զուրաբիշվիլիի մասին
Վրաստանի «Ժողովրդի ուժը» կուսակցության առաջնորդ Գուրամ Մաչարաշվիլին երկրի նախագահ Սալոմե Զուրաբիշվիլիին համեմատել է արդուկի հետ, որը մոռացել են անջատել:
Նրա խոսքերը փոխանցում է Sputnik Գրուզիան։
«Ինչպես երեխային չի կարելի լուցկի տալ կամ միացրած թողնել արդուկը, այնպես էլ չի կարելի նախագահին արտասահման թողնել։ Այդ մարդը պայթուցիկ նյութ է»,-հայտարարել է Մաչարաշվիլին։
Ինչպես նշել է պատգամավորը, այցերից հրաժարվելը ձեռնտու է ինչպես երկրին, այնպես էլ անձամբ Զուրաբիշվիլիին։
«Հասկանալի է, որ նրան Վրաստանը չի հետաքրքրում։ Բայց որքան քիչ հարվածներ ստանա Վրաստանը, իսկ հետո նաև ձևական նախագահը, այնքան լավ»,– ասել է Մաչարաշվիլին։
Ավելի վաղ երկրի կառավարությունն արգելել էր Սալոմե Զուրաբիշվիլիին աշխատանքային այցով մեկնել Մերձբալթյան երկրներ մեկնել: