«Հրաժարվել մեր պահանջատիրությունից, նշանակում է՝ հրաժարվել ընտանիքից ու նախնիներից». ԲՀԿ անդամները Ծիծեռնակաբերդում էին․ հուշահամալիրի մոտ ծաղկեպսшկ է դրվել՝ Գագիկ Ծառուկյանի անունից (տեսանյութ)
Համայն հայությունն ամենամյան երթով ցույց է տալիս իր միասնականությունը 1,5 միլիոն նահատակների հիշատակը վառ պահելու և պահանջատեր լինելու ուժը։
Այսօր հազարավոր քաղաքացիների հետ Ծիծեռնակաբերդի բարձունքում էին նաև ԲՀԿ անդամները։
Հուշահամալիրի մոտ ծաղկեպսակ է դրվել՝ Գագիկ Ծառուկյանի անունից։
«Հրաժարվել մեր պահանջատիրությունից, նշանակում է՝ հրաժարվել քո ընտանիքից, քո ապուպապերից, քո գերեզմաններից, որն անհնար է։
Հաշվի առնելով 109 տարվա դասերը՝ հայ ժողովուրդը պետք է թեկուզ լոկալ, ինչ-որ հատվածում չենթարկվի Ցեղասպանության»,- լրագրողների հետ զրույցում ասել է Միքայել Մելքումյանը։
Շաքե Իսայանն ընդգծել է․ «Հայաստանն այսօր առավել քան որպես Ցեղասպանությունը վերապրած ազգ, որպես պետություն, պետք է իր հանձնառությունը վերահաստատի աշխարհին՝ ճշմարտության վերականգման, վերագնտման գործում»։
Լրագրողների հետ զրույցում Գագիկ Ծառուկյանի մամուլի խոսնակ Իվետա Տոնոյանը նշեց․ «Հույս ենք տածում, որ պատմական արդարությունը վերակագնվելու է և Թուրքիան քաղաքակիրթ աշխարհի առաջ պատասխան է տալու իր կողմից իրականացված ոճրագործության համար։
Ինչպես նշել է Գագիկ Ծառուկյանը՝ Ցեղասպանությունը չունի վաղեմության ժամկետ, և վաղ թե ուշ Թուրքիան պետք է պատասխան տա իր գործած ոճրագործության համար»։