ТИМ: Соль-Илецкиде чек арадан өтө албай калган 110 кыргызстандык бар
Тышкы саясат мекемеси Кыргызстандын Орусиядагы элчилигинин алдындагы штабдын мүчөлөрү Оренбург облусунун жана Соль-Илецк шаарынын жетекчилиги менен жолукканын кабарлады.
Жергиликтүү дарыгерлер кыргызстандыктардын ден соолугун текшерип жатышканын, саламаттыгынын начарлашы боюнча кайрылгандар болбогонун айтышкан.
ТИМ мекендештерге Казакстандын чек арасы жабык болгондуктан Кыргызстанга чыгып кетүү мүмкүн эмес экенин эскертти. Министрлик кыргыз жарандары тамак-аш, керектүү медициналык каражаттар менен камсыздылганын кошумчалады. (BTo)