UEFA Millətlər Liqasında yarımfinal həyəcanına start verilir
Bu gün UEFA Millətlər Liqasında yarımfinal görüşlərinə start veriləcək.
Yarımfinal mərhələsinin ilk matçında İtaliya ilə İspaniya qarşılaşacaq. ONBİR qarşılaşmadan öncə iki milli komanda arasında keçirilən matçların statistikasını təqdim edir.
Bu günə qədər iki yığma arasında 38 matç baş tutub. Bu oyunlarda qələbə sayı bərabərdir. İtaliya və İspaniya bu görüşlərdə 11 qələbə qazanıb. Qalan 16 matçda isə heç-heçə qeydə alınıb.
Son 5 rəsmi oyun:
27.06.13 | İspaniya 0:0 İtaliya (Konfederasiyalar Kuboku)
27.06.16 | İtaliya 2:0 İspaniya (Avropa çempionatı)
06.10.16 | İtaliya 1:1 İspaniya (DÇ Seçmələri)
02.09.17 | İspaniya 3:0 İtaliya (DÇ Seçmələri)
06.07.21 | İtaliya 1:1 İspaniya (Avropa çempionatı)
İki komanda arasında keçirilən matçlarda ən böyük hesablı qələbə 1928-ci ilə təsadüf edir. Yay Olimpiya oyunları çərçivəsində baş tutan qarşılaşmada İtaliyanın 7:1 hesablı qələbəsi qeydə alınıb.
Qeyd edək ki, bu gün saat 22:45-də start götürəcək qarşılaşmanı CBC Sport`la yanaşı, saytımız vasitəsilə də izləyə bilərsiniz.