Тони Кроос "Реал Мадрид" клубига қайтиш бўйича музокаралар ўтказмоқда
Германиялик собиқ футболчи Тони Кроос "Реал Мадрид" клубига қайтиши бўйича аниқ музокаралар олиб бормоқда. 2024 йилги Европа чемпионатидан сўнг фаолиятини якунлаган 36 ёшли юлдуз майдонга ўйинчи сифатида қайтмайди. Бу ҳақда Goal.com хабар беради.
Клуб раҳбарияти Кроос учун Зинедин Зидан босиб ўтган йўлни таклиф қилмоқда. Унга кўра, собиқ ярим ҳимоячи дастлаб маслаҳатчи сифатида иш бошлаб, кейинчалик мураббийлик лавозимига ўтиши кўзда тутилган.
Ҳозирда "Реал Мадрид" таркибида Карло Анчелотти бошчилигида натижалар пасайган ва жамоа совринсиз қолиш хавфи остида турибди. Клуб президенти Флорентино Перес ва бошқа мутасаддилар Крооснинг тажрибасидан стратегик қарорлар қабул қилишда фойдаланмоқчи.
Айни вақтда Тони Кроос Мадридда ўзининг футбол академияси ва шахсий подкаст лойиҳаси билан банд. Агар келишув амалга ошса, у асосий жамоанинг ички доирасида муҳим ўрин эгаллайди.