Челси етакчилари трансфери: Палмер ва Фернандез жамоани тарк этиши мумкин
Англия Премер-лигасида муваффақиятсиз мавсум ўтказаётган Челси жамоасини яқин келажакда қийин синовлар кутмоқда. Собиқ футболчи Тони Дориго ГОАЛ нашрига берган интервюсида Лондон клуби ўзининг асосий юлдузлари Коул Палмер ва Энзо Фернандез учун келадиган трансфер таклифларига тайёр туриши кераклигини таъкидлади. Бу ҳақда Goal.com хабар беради.
Челси айни дамда турнир жадвалида тўққизинчи ўринда бормоқда ва еврокубоклар зонасига кириш имконияти тобора камайиб бормоқда. Агар жамоа келаси мавсум учун халқаро мусобақаларга йўлланма ололмаса, бу молиявий барқарорликка ва футболчиларнинг келажагига салбий таъсир кўрсатиши мумкин.
Дориго фикрича, еврокубокларсиз қолиш клубни ўз етакчиларини сотишга мажбур қилиши мумкин. Айниқса, Коул Палмер каби ўйин тақдирини ҳал қила оладиган иқтидорли футболчилар бошқа топ-клублар нишонига айланиши табиий ҳол. Клуб раҳбарияти эса молиявий қоидаларга риоя қилиш учун қийин қарорлар қабул қилишга мажбур бўлиши мумкин.
Жамоада бош мураббий алмашинуви ва жароҳатлар билан боғлиқ муаммолар мавсумнинг ҳал қилувчи палласида ўз таъсирини ўтказди. Эндиликда Челси учун қолган ўйинларда ғалаба қозониб, вазиятни ўнглашдан бошқа йўл қолмаган.