Жети-Өгүздө өрүк фестивалы өтөт
“Өрүк Fest 2018” иш-чарасы жергиликтүү бийликтин демилеси менен уюштурулуп, дыйкандардын эмгегин даңазалоону максат кылат.
Бул тууралуу фестивалды уюштуруучулардын бири Муратбек Исмаилов “Азаттык” радиосуна билдирди.
Анда өрүктөн жасалган бардык азыктар, как, кыямдан тартып өрүк кошулган самынга чейин көргөзүлүп, мастер -класстар уюштурулат.
Фестивалга 3 миңден ашуун адам катышат деп күтүлүүдө. Ага өрүгү менен таанылган Баткенден жана кошуна өлкө Тажикстандан да дыйкандар катышат. Жармаңке, мастер-класстар, оюндар, көргөзмөлөр жана конкурстар уюштурулат.
Өрүк фестивалы 2016-жылдан бери өткөрүлүп, салтуу иш-чарага айланды.(КЕ)