18 яшьлек кыз өйдә бала тапкан да сабыйны маникюр кайчысы белән чәнчи-чәнчи үтергән
Тверь өлкәсендә 18 яшьлек хатын-кыз өйдә бала тудырган һәм аны шунда ук үтергән. Бу турыда «Комсомольская правда» хәбәр итте.
Осташково шәһәрендә баласын үтергән хатын-кызга карата җинаять эше ачылган. Бу турыда Тикшерү комитеты хәбәр итә.
23 апрельдә яшь әни баласын өйдә тудыра, аннары маникюр кайчысы белән чәнчеп үтерә.
Кыз йөклелеге белән хастаханәдә хисапта тормый. Ир бала тудыргач, «маникюр кайчысы белән башына һәм гәүдәсенә күп тапкыр чәнчи». Тикшерүчеләр фикеренчә, сабый исән килеш туа, һәм анасы барысын да аңлап эшли, диелә хәбәрдә.
Бала үлә, анасын хастаханәгә алып китәләр.
Тикшерү комитеты җинаять урыныннан фотолар күрсәткән. Бер фотода кайчы бөтенләй канга буялган. Икене фотода тагын бер кайчы сурәтләнгән, анда кан таплары азрак. Янында күз буягыч, керфекләрне бөгә торган җайланма ята. Тикшерү эшләре бара, диелә хәбәрдә.