ҲЕЧ КИМГА КЕРАКСИЗ МУРДА… (ёхуд ўлган чақалоқ билан селфи қилиш ишқибозлари)
Шу йил 27 март куни Уфа шаҳридаги кўп қаватли уйлардан бирининг кимсасиз подъездида ўша ерда кўча супурувчи бўлиб ишловчи аёлнинг кўзи ёриди. Аммо чақалоқ ўлик ҳолда туғилди. Шунга қарамай, ўткинчилар «Тез ёрдам»га қўнғироқ қилишди. Улар эса келиб, аёлнинг ўзини олиб кетишди. Чақалоқ мурдаси шу кўйи подъезд ичкарисида қолиб кетди. Ачинарлиси, қўшни уйларда яшовчилар навбатма-навбат ўлик туғилган чақалоқ билан селфи қилишга тушиб кетишди. Уларни полициячилар аранг тўхтата олди.
Аёлга нисбатан жиноий чора кўрилмайди. Сабаби, ҳуқуқни муҳофаза қилиш ташкилоти вакиллари ҳам бола ўлик туғилганига амин бўлишган.