Уфа-Оренбург юлында авариядә ике кеше үлгән, дүрт кеше имгәнгән
Башкортстанда Уфа-Оренбург юлының 161 нче километрында Икенче Имәнгол авылы янында берничә машина бәрелешә. Биредә ике кеше үлә, дүрт кеше имгәнә. Бу турыда «Башинформ» ЮХИДИга сылтама белән хәбәр итте.
Юлда «Лада Гранта», «Шкода Октавиа» һәм «Лада Приора» бәрелешә.
«Кызганычка каршы, ике кеше үлде, дүрт кеше яраланды – барысы да өлкәннәр. Аларны хастаханәгә алып киттеләр», дигәннәр ведомствода.
Башкортстан буенча Гадәттән тыш хәлләр министрлыгы видеосы