Нуриман районында фаҗига: Әтисе белән әнисе, 10 айлык энесе үлгән, 13 яшьлек малай исән
Башкортстанның Нуриман районында Үкәрле авылы янында Уфа-Иглин-Красная Горка юлында авариядә 2 кеше үлгән, 4 кеше имгәнгән. Прокуратура әлеге эшне контрольгә алган. Бу турыда «Башинформ» хәбәр итте.
Фаҗига 7 гыйнварда кичке 7нчеләр тирәсендә була. Биредә «Киа Рио» һәм «Рено Дастер» бәрелешә.
Аннары ачыкланганча, 3 кеше һәлак булган, 3 кеше имгәнгән. Бу турыда Башкортстан буенча Гадәттән тыш хәлләр министрлыгы һәм ЮХИДИга сылтама белән Электрогазета.рф хәбәр итте.
«Киа» йөртүчесе һәм пассажиры урында ук үлә. Салонда тагын 2 бала була. Аларның берсенә 10 ай, икенчесенә 13 яшь, аларны хастаханәгә илтәләр. Ләкин соңрак 10 айлык бала да үлә.
«Рено» белән идарә итүче 61 яшьлек ир-атка һәм аның 50 яшьлек хатын-кыз пассажирына да медицина ярдәме кирәк була.
Башкортстан буенча Эчке эшләр министрлыгы ЮХИДИ транспорт чараларын эзләү, ДПС җитәкчесе урынбасары Илдар Сәйфетдинов сүзләренчә, балалы гаилә бара торган «КИА» машинасы, «Рено»га бәрелгәч, юл кырыена төшеп китә.
Тикшерү бара, диелә хәбәрдә.