Әлмәт шәһәре медсанчасте – иң яхшылар йөзлегендә
Казанда «Татарстан Республикасының иң яхшы товарлары һәм хезмәтләре» республика бәйгесендә һәм «2014 елгы «Россиянең иң яхшы товарлары» Бөтенроссия бәйгесендә җиңүчеләрне бүләкләү булды.
Әлмәт шәһәре һәм «Татнефть» ААҖ медсанчасте «Хезмәтләр» номинациясендә лауреат исеменә лаек булды. Бу исем әлеге дәвалау учреждениесенә югары медицина технологияләре кулланып,
йөрәк ритмы һәм үткәрүчәнлеге бозылган авыруларга диагностика һәм аларны дәвалау, умыртка баганасы патологияләре вакытында тотрыклыландыручы операцияләр, шулай ук йөрәк ишемиясе авыруларын диагностикалау һәм дәвалау өчен бирелде.