Зәй мәктәпләре РФ Конституциясе көнен сыйныф сәгатьләре белән башлады
Зәй районы мәктәпләрендә бүген иртәнге сәгатьләрдә Россия Федерациясе Конституциясе көненә багышланган сыйныф сәгатьләре үтте. Аларда Төп Закондагы бурычлар һәм хокуклар турында тагын бер кат искәртелде. Мәсәлән, 4 нче мәктәпнең башлангыч сыйныф укучылары дәүләт символикаларына багышланган үзенчәлекле чарада катнаштылар, ә аннан алдагы көндә кече патриотик җырлар бәйгесе үтте. Балалар аңа дулкынланып, горурлык хисе белән әзерләнде.