Сәхнәдә - Җиңү көне (фотолар)
Зәйдә Бөек Җиңүнең 70 еллыгы уңаеннан оешма-предприятиеләр, учреждениеләр, авыл җирлекләре арасында “Җиңү салюты” иҗат фестивале тәмамлануга бара. Узган җомгада “Энергетик” Мәдәният сараенда ГРЭС, 4нче мәктәп, “Якты коңгыз” балалар бакчалары коллективлары 1945 елны чагылдырган тамаша күрсәтте. Станция хезмәткәрләре ел да мондый фестивальләргә зур әзерлек белән килә иде, бу юлы да алар сынатмады. Киемнәр, башкару осталыклары белән сокландырдылар. Алдагы чыгыш – сугыштан соң еллар, аны политехник колледж студентлары зур сәхнәдә күрсәтәчәк.