Умерен оптимизам од средбата Вучиќ и Курти во Вила Билјана во Охрид
Во Охрид започнаа средбите во рамки на договорот за нормализација на односите меѓу Србија и Косово, под покровителство на Европската унија. ЕУ очекува Белград и Приштина да се договорат за планот за спроведување на договорот. Претседателот на Србија Александар Вучиќ изјави дека „не планира ништо да потпише“. Косовскиот премиер Албин Курти е оптимист за состанокот, но вели дека не зависи сè од него. Пред состаноците премиерот на Македонија имаше одвоени средби со Курти и Вучиќ.