Казандагы атучыны тоткарлаганнар
Мәктәп ишегалдында басып торучы 12 яшьлек малайга аткан яшүсмерне тоткарлаганнар һәм сак астына алганнар.
16 яшьлек үсмер үз гаебен танымаган. Ул аткан пневматик корал да табылмаган әле. Шулай булса да үсмер 27 июльгә кадәр сак астында булачак.
Исегезгә төшерәбез: зыян күрүче малайның пуля бавырына эләккән иде. Операция барышында аннан пневматик корал пулясы алдылар. Малай әлегә сырхауханәдә ята.
Шунысы да бар, элек берничә зыян күрүче хакында язганнар иде. Рәсми рәвештә әлегә бер генә зыян күрүче билгеле.
Хәзерге вакытта сәламәтлеккә белә торып зыян китерү маддәсе буенча кузгатылган җинаять эше буенча тикшерү бара.