Янги Lada Niva: биринчи расмий тасвирлар эълон қилинди
Lada Niva (T-134 завод индекс) замонавий дизайнга эга бўлиб, классик йўлтанламас моделнинг янги талқини сифатида тақдим этилмоқда. Илк тасвирлардан кўринишига кўра, кроссовер Dacia Duster’нинг сўнгги авлоди билан ўхшашликларга эга: эшик очилиш жойлари, олд ойна устунлари, том ва рельс шакли ҳамда эшик тутқичлари (шу жумладан, орқа эшикдаги яширин тутқичлар) Duster’га жуда ўхшаш.
Аммо, янги Niva ўзига хос дизайн элементларига эга. Ғилдирак йўйлари думалоқ шаклда бўлиб, Duster’даги квадрат услубдан фарқланади. Шунингдек, орқа устунлар кенгроқ, орқа эшик ортидаги дерезалар эса торроқ.
Олд ва орқа қисмлар классик Niva услубини эслатади: олд фарлари думалоқ, ён томонларида эса уч чизиқли ярим думалоқ кун ёритиш чироқлари жойлашган. Орқа қисмда эса ВАЗ-2106 услубидаги горизонтал чироқлар ўрнатилган бўлиб, бу 2018-йилда намойиш этилган Lada 4x4 Vision концепциясини эслатади.