Пентагон басшысы импичменттен құтылды: мәселе келесі шақырылымда қаралады
АҚШ Конгресі Өкілдер палатасындағы Республикалық партия қорғаныс министрі Пит Хегсетке импичмент жариялау әрекетін кері қайтарды, деп хабарлайды Tengrinews.kz Axios сайтына сілтеме жасап.
Өкілдер палатасындағы республикашылдар сейсенбі күні кешке Қорғаныс министрі Пит Хегсетке импичмент жариялау туралы резолюцияны комитетке жіберуге дауыс беріп, бастамаға іс жүзінде тосқауыл қойды: 211 - қолдап, 204 - қарсы дауыс берді. Қарсы шыққан жалғыз республикашыл - құжаттың бастамашысы Томас Масси болды.
Бұл дауыс беру Хегсетке импичмент жариялау мәселесін іс жүзінде келесі шақырылымға дейін кейінге қалдырады.
Бұл шешім Хегсет үшін, Дональд Трамп әкімшілігі мен партия ішіндегі ықтимал бүлікке дайындалған Республикалық партия басшылығы үшін үлкен жеңіс болды.
Демократтар қаңтарда Өкілдер палатасы мен Сенатта көпшілік орынға ие болған соң бұл мәселеге қайта оралатыны анық, бірақ қазіргі дауыс беру осы шақырылымдағы импичмент әрекеттерін жоққа шығарады, деп жазады басылым.
Бұған дейін Томас Масси өз резолюциясы бойынша процедуралық дауыс беруге қол жеткізіп, Хегсетті Конгреске құрметсіздік танытты және АҚШ-тың Ирандағы соғысын заңсыз жалғастырды деп айыптаған болатын.
Трамп әкімшілігі дауыс беру қарсаңында мәлімдеме жасап, Хегсетті белсенді түрде қорғады.