Сәүдә хезмәткәрләре бәйгегә чыга
Республика Сәнәгать һәм сәүдә министрлыгы тарафыннан конкурс игълан ителә. Бу өлкә өчен гадәти булмаган бәйге чыннан бик кирәкле һәм отышлы. Ул сәүдә предприятиеләре хезмәткәрләренең һөнәри яктан үсешен тәэмин итүгә, аларның һөнәри эшчәнлектә ике дәүләт телен дә куллану тәҗрибәсен җәелдерү юнәлдерелгән. Конкурс 24 октябрьдән старт алып, 20 ноябрьгә кадәр дәвам итәчәк. Ул 2 этапта үткәрелә. Җиңүчеләргә акчалата бүләкләр карала. Конкурс нәтиҗәләре, җиңүчеләрне бүләкләү тантанасы матбугат чараларында киң яктыртылачак. Бу хакта тулырак мәгълүматны министрлыкның www.mpt.tatatstan.ru яки www.kirgten.com (конкурс) сайты аша белергә мөмкин.