Новости за 22.05.2019

Аԥсны асасааирҭақәа ргильдиа ахада Асҭамыр Ахба арадио Sputnik аҟны иҳәеит аоппозициа имҩаԥнагоз акциа аԥсшьаратә сезон анырра шанаҭаз атәы.

Ииасыз ашықәс иаҿырԥшны аԥыжәара аманы иҟоуп Ҟрым азы атуристцәа рҭаара. Ашықәс иалагазар Ҟрымҟа инеихьеит миллионҩык атуристцәа.

Ҩымш рыҩныҵҟа имҩаԥысуаз ақәгыларақәа рышьҭахь Аԥсны анапхгареи аоппозициеи ҳәоук иазааиит.

Ашәарҭадаратә маҵзура ахантәаҩы актәи ихаҭыԥуаҩ Дазмир Шамба арадио Sputnik Аԥсны аефир аҿы иҳәеит ҩымш ицоз аоппозициеи атәыла анапгхаратә мчрақәеи реиҿагылараҿы амаҵзура аусура шынанагӡоз атәы.

Урыстәыла ахада Иусбарҭа агәахәара аиуит Аԥсны имҩаԥысуаз ахҭысқәа рышьҭахь амчрақәеи аоппозициеи ражәа акахьы иахьнаргаз.

Аԥсуа композитор, Дырмит Гəлиа ихьӡ зху аҳәынҭқарратә премиа занашьоу, иара убас апремиа "Летопись войны" иаԥсахаз, "Ахьӡ-Аԥша" аорден ахҧатəи аҩаӡара занашьоу Константин Ченгелиа иԥсҭазаара далҵит 88 шықәса дшырҭагылаз, лаҵара 22 аҽны.

Аспорттә гимнастиказы иаарту аиндаҭлара, СССР аспорт азҟаза Нина Попова лгәалашәара иазкыз, мҩаԥган Томбовтәи аобласт, Котовск ақалақь аҿы, лаҵара 17 рзы.

Аҟәа ауаажәларратә транспорт аныҟәара ԥкын лаҵара 21 рзы, аоппозициа акциа инадҳәаланы.

Ареспубликатә хәышәтәырҭа аҳақьым хада Аполлон Гәыргәлиа арадио Sputnik Аԥсны иаиҭаз аинтервиу аҿы иҳәеит Аҟәа ақалақь аҿы адиспасеризациа шымҩаԥысуа атәы.

Сынтәа, ари аҭоурыхтә хҭыс хьанҭа иахыҵит 155 шықәса.

Амҳаџьырра ашықәсқәа раан зыԥсадгьыл иахцаз ҳауаажәлар ргәаладыршәеит Гагра.

Аполитикатә ҭҵаарадыррақәа ркандидат Беслан Ҳагба арадио Sputnik Аԥсны аефир аҟны игәаанагара иҳәеит ишьақәгылаз аҩныҵҟа-политикатә ҭагылазаашьаҟны аҳәынҭқарра ԥырхага амаиур, амчрақәеи аоппозициеи рхы шымҩаԥыргаша азы.

Ҩымш ицоз аиҿагылара ашьҭахь аоппозициааи атәыла анапхгаратә мчрақәеи еизааиит.

Иахьа ҩымшуп Аԥсны аоппозициа атәыла ахада Рауль Ҳаџьымба инапынҵақәа аанижьроуп ҳәа дҵаны иҟарҵеижьҭеи.